დიჟონში არეულობის მომწყობ ჩეჩნებს დეპორტაცია და ხანგრძლივი ციხე ელით

2020-06-21 13:00:03, 3722 ნახვა

მსოფლიო

საფრანგეთის ქალაქ დიჟონში ჩეჩნების მიერ მოწყობილი არეულობის შემდეგ, ქალაქის მაცხოვრებლები საპროტესტო აქციაზე გამოვიდნენ და რეგიონის პრეფექტის დაუყოვნებლივ გადადმომა მოითხოვეს. აქციის მონაწილეები, აცხადებდნენ, რომ ვერც პრეფექტმა და ვერც პოლიციამ ქალაქის და მისი მოსახლეობის დაცვა ვერ შეძლო.
საფრანგეთის პროკურატურამ განაცხადა, რომ დაკავებულია 6 ეთნიკურად ჩეჩენი, რომელც ქალაქში არეულობაში და დარბევაში მონაწილეობდნენ. 4 მათგანს ჯგუფურად მკვლელობის მცდელობა ედებათ ბრალად.
ცოტახნის წინ საპრენგეთის პრეზიდენტმა ემანუელ მაკრონმა განაცხადა, რომ ყველა ადამიანი, ვინც დიჟონის დარბევაში მონაწილეობდა ოჯახებთან ერთად დეპორტირებული იქნება საფრანგეთიდან.
"ეროვნული ფრონტის" ლიდერი მარი ლეპენი ქალაქში ჩავიდა და ხელისუფლება უმოქმედობაში დაადანაშაულა. მისი თქმით, ძალოვანი სტრუქტურები უფრო გაბედულად უნდა მოქმედებდნენ.
შეგახსენებთ, რომ არეულობა ქალაქ დიჟონში 16 წლის ეთნიკურად ჩეჩენი მოზარდის ცემას მოჰყვა. ჩეჩნური დიასპორა ამტკიცებს, რომ მოზარდი არაბმა ნარკომოვაჭრეებმა სცემეს.
ამ ფაქტის შემდეგ, მთელი ევროპიდან ჩეჩნური დიასპორა შეიკრიბა და ქალაქის არაბული კვარტალის დარბევა დაიწყეს. შედეგად ათეული ადამიანი დაზარალდა.
ჩეჩნეთის პრეზიდენტმა, რამზან კადიროვმა თქვა, რომ არეულ საფრანგეთში ჩეჩნები წესრიგს ამყარებენ.