საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა  მინისტრმა სოზარ სუბარმა  და  საქართველოს მუნიციპალური განვითარების ფონდის (სსიპ)  აღმასრულებელმა  დირექტორმა  ჯუანშერ ბურჭულაძემ ურთიერთთანამშრომლობის მემორანდუმს მოაწერეს ხელი.

როგორც „ექსპრესნიუსს“ ლტოლვილთა და განსახლების სამინისტროდან აცნობეს,  მემორანდუმის მიხედვით, საქართველოს მუნიციპალური განვითარების ფონდი, „სოფლად სახლის“ პროექტის  ფარგლებში, დასავლეთ საქართველოში იძულებით გადაადგილებულ პირთათვის  400 000 ევროს ღირებულების  სახლებს შეიძენს. აღნიშნულ სახლებს დევნილთა და განსახლების სამინისტრო სპეციალური კრიტერიუმების შესაბამისად შეარჩევს. 
მათივე ინფორმაციით, რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა, დევნილთა და განსახლების სამინისტროსთან თანამშრომლობითა და გერმანიის განვითარებისა და რეკონსტრუქციის ბანკის (KFW)  დაფინანსებით, უკვე დაასრულა დევნილთა გრძელვადიანი საცხოვრებელი ფართით უზრუნველყოფის ღონისძიებების ფარგლებში გათვალისწინებული სარეაბილიტაციო და სამშენებლო სამუშაოები წყალტუბოში (400 ბინა), ქუთაისში (65 ბინა), ფოთსა (104 ბინა) და ზუგდიდში (320 ბინა). 

სოფლად სახლების შეძენა, სწორედ, ჩამოთვლილი პროექტების განხორციელების შედეგად დაზოგილი ეკონომიით გახდა შესაძლებელი.

საერთო ჯამში, გრძელვადიანი განსახლების პროექტის ფარგლებში, 889 დევნილი ოჯახის ბინით უზრუნველყოფა მოხერხდა. 
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის პრეზიდენტმა ანკარაში ზელენსკისთან შეხვედრაზე განაცხადა, რომ პუტინთან საუბარს აპირებს

ქეთევან თოიძემ Tashkent International Investment Forum-ზე გალტ & თაგარტის გამოცდილება გააზიარა

ტრამპი: აშშ ირანზე ახალი დარტყმებისთვის ემზადება

ტრამპი: აშშ უკრაინას Patriot-ის სისტემებისა და რაკეტების წარმოების ლიცენზიას მისცემს