საჯარო რეესტრის ეროვნულ სააგენტოს ქონების რეგისტრაციის დეპარტამენტისა და შეზღუდვებისა და უფლებების სამსახურის თანამშრომლებისთვის სამართლებრივი მართლწერის საკითხებზე ტრენინგების პირველი ეტაპი დასრულდა.

სააგენტოს თანამშრომლებისთვის ტრენინგს საქართველოს იუსტიციის სასწავლო ცენტრის ტრენერები ატარებდნენ.

ტრენინგზე მიღებული ცოდნა და შეძენილი უნარ–ჩვევები რეგისტრატორებს დაეხმარება მათ მიერ მომზადებული ადმინისტრაციული გადაწყვეტილებები, იურიდიული შინაარსის წერილები, ბრძანების პროექტები და სხვა სამართლებრივი დოკუმენტები მოქალაქეებისთვის დამაჯერებლად და ადვილად აღქმადი ფორმით, მარტივ და გასაგებ ენაზე მოამზადონ.

სასწავლო კურსი 2-ეტაპიანია. პირველ ეტაპზე მონაწილეებმა სამართლებრივი აქტებისა და წერილობითი მემორანდუმის შედგენა შეისწავლეს. სწავლების მეორე ეტაპი, რომელიც პრაქტიკულ სავარჯიშოებს - გავლილი თეორიული კურსის საფუძველზე, შაბლონების გამოყენებით კონკრეტული გადაწყვეტილებების მომზადებასა და განხილვას მოიცავს, სააგენტოს ტერიტორიული სარეგისტრაციო სამსახურების რეგისტრატორებთან ერთად მოგვიანებით დაიგეგმა.

თანამშრომელთათვის სამართლებრივი დოკუმენტაციის შედგენისთვის საჭირო თეორიული და პრაქტიკული ასპექტების გაცნობა ხელს შეუწყობს სააგენტოში წერის ერთიანი სტანდარტის დანერგვას, დოკუმენტების უნიფიცირებული ფორმების შემუშავებასა და იმპლემენტაციას, შესაბამისად, საჯარო რეესტრის სამუშაო პროცესის ეფექტიანობის ამაღლებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”