„მინდა დავამშვიდო ჩვენი მოქალაქეები, კორონავირუსის საპროფილაქტიკოდ დედაქალაქის მერია ყველა შესაბამის ღონისძიებას ატარებს“, - ამის შესახებ დედაქალაქის მერმა კახა კალაძემ თბილისის მთავრობის დღევანდელ სხდომაზე განაცხადა.

როგორც მან აღნიშნა, „თბილსერვის ჯგუფმა“ პროფილაქტიკის მიზნით სადეზინფექციო სამუშაოები 54 მიწისქვეშა გადასასვლელში ჩაატარა და აღნიშნული სამუშაოები კიდევ გრძელდება.

„„თბილსერვის ჯგუფმა“ პროფილაქტიკის მიზნით ჩაატარა სადეზინფექციო სამუშაოები 54 მიწისქვეშა გადასასვლელში, თუმცა ჩვენ ვაგრძელებთ და არ ვჩერდებით ამაზე. ყველა მიწისქვეშა გადასასვლელი ანალოგიური ხსნარებით იქნება დამუშავებული.

ამასთანავე, პრევენციის მიზნით სპეციალური სადეზინფექციო ხსნარებით მუშავდება მუნიციპალური ტრანსპორტი, დეზინფექცია ასევე უტარდება თბილისის საჯარო ბაგა-ბაღებს, სადაც 10-მდე დასახელების სადეზინფექციო საშუალება გამოიყენება. საპროფილაქტიკო ღონისძიებები ტარდება თბილისის მუნიციპალიტეტის სერვისცენტრებში,  როგორც დედაქალაქის მერიის მისაღებში, ასევე ათივე გამგეობის სერვისცენტრში, ასევე სახელოვნებო სკოლებში. აღსანიშნავია ისიც, რომ დედაქალაქის მერიის მთავრობის გადაწყვეტილებით  2 მარტიდან 16 მარტის ჩათვლით  ბაგა-ბაღებში არდადაგები არის გამოცხადებული, რათა ყველანაირად დავიზღვიოთ თავი.

თბილისის მერიის ყველა შესაბამისი სამსხური სრულად არის მობილიზებული, გათვალისწინებულია სპეციალისტთა რეკომენდაციები. მჭიდრო კომუნიკაცია გვაქვს, როგორც ჯანდაცვის სამინისტროსთან, ასევე ყველა იმ უწყებასთან, რომელიც ამ საბჭოში შედის. მინდა დავამშვიდო ჩვენი მოქალაქეები, კორონავირუსის საპროფილაქტიკოდ დედაქალაქის მერია ყველა შესაბამის ღონისძიებას ატარებს“, - აღნიშნა კახა კალაძემ.

ავტორი: ექსპრესნიუსი,

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი