საქართველოს იუსტიციის სამინისტროს ეროვნული არქივის მეხუთე საერთაშორისო კონფერენცია „არქივმთცოდნეობა, წყაროთმცოდნეობა - ტენდენციები და გამოწვევები" 2020 წლის 24-26 სექტემბერს გაიმართება.

საიუბილეო თარიღებთან დაკავშირებით, ტრადიციული ბლოკების გარდა, კონფერენციაზე  ცალკე მიმართულებად იქნება წარმოდგენილი ეროვნული არქივის დაარსებასა და მეფე ერეკლე II-სთან დაკავშირებული თემები.

საერთაშორისო კონფერენცია, რომელიც ეროვნული არქივის ორგანიზებით წელს უკვე მეხუთედ ტარდება, მოიცავს შემდეგ სამეცნიერო მიმართულებებს: არქივმთცოდნეობა; წყაროთმცოდნეობა; სიძველეთმცოდნეობა; ისტორია/ხელოვნების ისტორია/ეთნოლოგია; ფილოლოგია (კოდიკოლოგია-ტექსტოლოგია); კულტურათაშორისი კომუნიკაციები; რესტავრაცია-კონსერვაცია; ციფრული არქივები და მონაცემთა ბაზები; კულტურული მემკვიდრეობის მენეჯმენტი; საქართველო და სამხრეთ კავკასია 1918-1921 წლებში. კონფერენციის ფარგლებში გათვალისწინებულია მცირე საგანმანათლებლო პროგრამები (ინფორმაციული ლექციები, ელექტრონული არქივები და სხვა), რომლებიც პლენარული სესიების ფარგლებში ჩატარდება.

კონფერენციის მიზანია სამეცნიერო სიახლეების თავმოყრა, ქართველ და უცხოელ მეცნიერებს შორის მჭიდრო სამეცნიერო კავშირების სტიმულირება, ინტერდისციპლინური და ინტერკულტურული კვლევების ხელშეწყობა, კულტურული მემკვიდრეობის მენეჯმენტის თანამედროვე მოთხოვნებთან ადაპტაციის გზების ძიება, ციფრული ჰუმანიტარიის სფეროს სიახლეების გაზიარება.

ღონისძიებაში მონაწილეობის მსურველებს თეზისების გამოგზავნა მიმდინარე წლის 28 ივნისამდე შეუძლიათ.

დამატებითი ინფორმაციის მისაღებად გადადით ბმულზე.

ავტორი: NS (სტატია დაფინანსებულია),

სოციალური ქსელები

ზელენსკი: რუსეთმა უკრაინა ჩრდილოეთ კორეული რაკეტით დაბომბა

ესპანეთის საზღვარს ათასობით მიგრანტი შტურმით იღებს, მადრიდი კრიზისის ადგილას ჯარს აგზავნის

მიხეილ სარჯველაძე Roche-ს ფარმაცევტული მიმართულების აღმასრულებელ დირექტორს შეხვდა, რომელიც ონკოლოგიურ და დიუშენის დისტროფიის სამკურნალო წამლებს აწარმოებს

ვისაუბრეთ ურთიერთობების პერსპექტივებზე – ბოჭორიშვილი აშშ-ს დროებით რწმუნებულს შეხვდა