„შოთაძის პროკურორად დაბრუნება არის ქვეყნის, „ქართული ოცნებისა“ და ბიძინა ივანიშვილის სირცხვილი, - ამის შესახებ „ევროპული საქართველოს“ წევრმა, გიგი უგულავამ ჟურნალისტებს განუცხადა.

უგულავას თქმით, ივანიშვილი საცოდავ დღეშია და მასთან ნორმალურ ადამიანს მუშაობა აღარ უნდა, რაზეც მიუთითებს შოთაძის პროკურატურაში დაბრუნება.

„შოთაძის პროკურორად დაბრუნება არის ქვეყნის, „ქართული ოცნებისა“ და ბიძინა ივანიშვილის სირცხვილი. უბრალოდ ეს ხალხი უსირცხვილოა, აღნიშნული ფაქტი მიუთითებს იმაზე, რომ სათადარიგოთა სკამი „ქართულ ოცნებას“ ძალიან მოკლე აქვს, მიუთითებს იმაზე, რა საცოდავ დღეშია ივანიშვილი. რამხელა ფულის, რესურსების პატრონია და ნორმალური ადამიანი ვერ იპოვა, ვერ დაითანხმა, რომ პროკურორი გახდეს. ასეთ კრიზისშია, ნორმალურ ადამიანს მათთან მუშაობა აღარ უნდა. ამ ადამიანის მთავარი პროკურორობის დროსაც პროკურატურამ ჩაიდინა დადასტურებული დანაშაული, მხედველობაში მაქვს სარალიძის, აფგან მუხთარლის, მაჩალიკაშვილის მკვლელობის არ გამოძიება და კიდევ რამდენი საქმე შეიძლება ჩამოვთვალოთ, რომლის არ გამოძიება ან  გამოძიების გაყალბება ამ ადამიანის მფარველობით არ განხორციელდა. ეს ადამიანი უკან ბრუნდება, რომ კვლავ დაიკავოს პროკურორის თანამდებობა“ ,- განაცხადა გიგი უგულავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს