„მე პირადად უამრავი შემთხვევის მოწმე ვარ, როდესაც პატრიარქი პირადად პირველ პირებს სთხოვდა ადამიანების შეწყალებას, ყოველგვარი ოფიციალური მიმართვის გარეშე“,- ამის შესახებ ჭყონდიდის ყოფილმა მიტროპოლიტმა, მეუფე პეტრემ დეკანოზ გიორგი მამალაძის შეწყალების საკითხთან დაკავშირებით განაცხადა.

როგორც მან აღნიშნა, ახსოვს ის ფაქტიც, თუ როგორ ათხოვნინეს პატრიარქს ყოფილი პრემიერისთვის, გიორგი კვირიკაშვილისთვის თურქი ტერორისტების შეწყალება.

„ეს თუ ესე მოხდა, მე თავიდანვე გამიჩდა ეჭვი და ეს იქნება დადგმული სცენარი, ეს იქნება შეურაცხყოფა და თავზე ლაფის გადასხმა სინოდის წევრებზე, წმინდა სინოდზე და ასევე წმინდა სინოდის წევრების მხრიდან საკუთარ თავზე ლაფის დასხმა იქნება. მე პირადად უამრავი შემთხვევის მოწმე ვარ, როდესაც პატრიარქი პირადად პირველ პირებს სთხოვდა ადამიანების შეწყალებას, ყოველგვარი ოფიციალური მიმართვის გარეშე. მათ შორის ცნობილია,  დაცვის ხელმძღვანელმა  სასამართლოშიც კი  დაადასტურა, როდესაც თურქი ტერორისტების შეწყალება ათხოვნინეს პრემიერ კვირიკაშვილისთვის პატრიარქს. დაცვა რომ არ ჩარეულიყო თხოვნაც შესრულდებოდა. გამოვიდეს ის უპასუხისმგებლო ადამიანი, ყოფილი პრემიერი, რომელმაც რაღაც სამართლიანობის და მორწმუნე ადამიანის მანტია მოისხა და ისე წავიდა თანამდებობიდან თითქოს და უარყოს თუ არ ვარ მართალი“,- განაცხადა მეუფე პეტრემ.

შეგახსენებთ, დღეს მამა ანდრია ჯაღმაიძემ განაცხადა, რომ საპატრიარქოს შუამდგომლობებიდან, რომელიც პრეზიდენტს გაეგზავნა, მხოლოდ 5%-ია დაკმაყოფილებული. მანვე აღნიშნა, რომ შეწყალება პრეზიდენტის პრეროგატივაა.

ავტორი: ექსპრესნიუსი,

სოციალური ქსელები

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება