„კატეგორიულად არ ვეთანხმები, რომ 1 ადამიანი დაესხა თავს ცოტნეს და 4 მოწმედ იმყოფებოდა“, - ამის შესახებ ცოტნე გამსაურდიას მეუღლემ, ანა ჯაბუამ განაცხადა.

მისი თქმით, ის გამოძიებას უნდობლობას არ უცხადებს, თუმცა კატეგორიულად არ ეთანხმება მის ვერსიას.

„ჯერჯერობით გამოძიებას ჩემთვის საფუძველი არ მოუცია, რომ არ ვენდოთ, ყოველშემთხვევაში აქამდე არ გამომიცხადებია გამოძიებისთვის უნდობლობა, პირიქით მადლობაც გადავუხადე ოპერატულობითვის, მაგრამ მე მინდა დავაზუსტო, ვერსიას კატეგორიულად არ ვეთანხმები, რომ 1 ადამიანი დაესხა თავს ცოტნეს და 4 იქ მოწმედ იმყოფებოდა, როგორ ერთ ადამიანს ერთ ხელში დანა ეჭირა, მეორეთი ურტყამდა და მესამეთი ბლაგვი საგანი? ცოტნე იყო ძალიან ძლიერი, ვარჯიშობდა ბევრს, ფიზიკურადაც დიდი და ჯანმრთელი იყო და ცოტნეს ვერც ერთი და ვერც ორი ადამიანი ვერ მეორეოდა“, - განაცხადა ანა ჯაბუამ.

შეგახსენებთ, რომ ცოტნე გამსაურდია 19 დეკემბერს, საკუთარ სახლთან დაჭრეს. მას ბასრი საგნით რამდენიმე ჭრილობა აქვს მიყენებული, რის გამოც გადაუდებელი ოპერაციები ჩაუტარდა.

განზრახ მკვლელობის მცდელობის და განსაკუთრებით მძიმე დანაშაულის შეუტყობინებლობის ფაქტებზე გამოძიება სსკ-ს 19-108-ე მუხლით და 376-ე მუხლის მე-3 ნაწილით მიმდინარეობს. ამ საქმეზე 5 პირია დაკავებული. 

ავტორი: ექსპრესნიუსი,

სოციალური ქსელები

მდინარე წყალწითელაში მამაკაცი დაიხრჩო

კოშტა - პოლონეთის საჰაერო სივრცეც დაირღვა - კიდევ ერთხელ უსვამს ხაზს, რომ რუსეთის აგრესია მთლიანად ევროპის უსაფრთხოებას საფრთხეს უქმნის

ენმ-ის პოლიტიკური საბჭოს სხდომას თინა ბოკუჩავა არ დაესწრება

TI: ოცნებისთვის თითქმის 1.5 მილიონი ლარის ოდენობის შემოწირულობები სათამაშო ბიზნესს უკავშირდება