„ციხეში იმიტომ არ გიშვებთ, რომ სუნი არ დააყენოთ“ - ასე მიმართა უმრავლესობის დეპუტატმა, მიხეილ ყაველაშვილმა ოპოზიციონერ დეპუტატებს სერგო რატიანსა და თინა ბოკუჩავას, ბიუროს სხდომაზე.

სხდომაზე, აღნიშნული სიტყვები ყაველაშვილმა მას შემდეგ თქვა, რაც ოპოზიციონერმა დეპუტატებმა 20 ივნისის საქმეზე დაკავებულების მონახულება მოითხოვეს.

ნათქვამმა, ოპოზიციონერების გაღიზიანება გამოიწვია.

„სუნი დგას აქ, ახლა ლაპარაკობთ ნორმალურად? ძალიან სერიოზულ საკითხზე შემოვედით, აწამებთ ადამიანებს, ნაწამები არიან ადამიანები“, - აღნიშნა სერგო რატიანმა.

შეგახსენებთ, რომ პარლამენტის ბიუროს სხდომა ხმაურის ფონზე წარიმართა. სხდომაზე სერგო რატიანი და თინა ბოკუჩავა პარლამენტის თავმჯდომარისგან განმარტებას ითხოვდნენ, თუ რის საფუძველზე არ უშვებენ ოპოზიციური პარტიების დეპუტატებს ციხეში პატიმრების მოსანახულებლად. დაპირისპირება დაახლოებით 10 წუთის განმავლობაში გრძელდებოდა. ამის შემდეგ, ოპოზიციური პარტიების დეპუტატები მანდატურებმა სხდომიდან გაიყვანეს.

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს