„პრემიერ-მინისტრმა თქვა ის, რაც წერია საქართველოს კანონმდებლობაში, რომ თუ შეკრება-მანიფესტციია გასცდება კანონით დადგენილ ჩარჩოებს, ამაზე იქნება რეაგირება“, - ასე გამოეხმაურა არჩილ თალაკვაძე პრემიერ-მინისტრის განცხადებას, რომელშიც გახარიამ 18 ნოემბრის აქციას უკანონო უწოდა და მის განვითარებაში ოპოზიცია დაადანაშაულა.

არჩილ თალაკვაძის თქმით, გუშინ შინაგან საქმეთა სამინისტროს თანამშრომლები მინიმალურად, კანონის დაცვით ჩაერივნენ პროესში.

„პრემიერ-მინისტრმა თქვა ის, რაც წერია საქართველოს კანონმდებლობაში, ეს არის კანონის მიერი პასუხი, რომ მშვიდობიანი შეკრება-მანიფესტაციის უფლება არის დაცული და თუ ის გასცდება კანონით დადგენილ ჩარჩოებს და მიიღებს უკანონო ხასიათს, რისი მცდელობაც იყო გუშინ, ამაზე იქნება გათვალისწინებული რეაგირება. ეს თქვა პრემიერ-მინისტრმა და ეს წერია კანონმდებლობაში.

ამ ყველაფრის ობიექტური შეფასება არის ის, რომ შსს-მ, მთავრობამ, შს მინისტრმა და პოლიციამ შეძლეს გუშინ მინიმალური ჩარევით და კანონის სრული დაცვით მოეხდინათ მანიფესტაციის პროცესში კანონიერი ჩარევა, ვინაიდან იყო მცდელობა მომხდარიყო სახელმწიფო ინსტიტუტების ბლოკირება“, - განაცხადა პარლამენტის თავმჯდომარემ.

ავტორი: ექსპრესნიუსი,

სოციალური ქსელები

ცოტნე ანანიძე: სამწუხაროდ, დანაშაული ხდება ყველგან და მოხდება, ვიდრე კაცობრიობა იარსებებს

ზარქუა ოქრიაშვილზე თავდასხმაზე: ცუდია, რაც მოხდა, მაგრამ არავის გაუტარებს ქართული საზოგადოება

23 ივლისის საღამოდან 24 ივლისის დილამდე საქართველოს უმეტეს ტერიტორიაზე დროგამოშვებით წვიმაა მოსალოდნელი

SJC: ოქრიაშვილზე თავდასხმა ოცნებისა და მისი მედიების მიერ დისკრედიტაციის კამპანიის შედეგია