2019-10-10 17:42:05, 2083 ნახვა
სამართალი
სასამართლომ მელიას მიმართ ყველა სახის აღკვეთის ღონისძიება ძალაში დატოვა
თბილისის საქალაქო სასამართლომ "ნაციონალური მოძრაობის" წევრ ნიკა მელიასთვის აღკვეთის ღონისძიების გაუქმების შუამდგომლობა, არ დააკმაყოფილა.
აღსანიშნავია, რომ ნიკა მელიას თავდებში ფრაქცია "ნაციონალური მოძრაობის" 6 დეპუტატი უდგებოდა.
მოსამართლის გადაწყვეტილებით, ნიკა მელიას კვლავ რჩება ყველა ის შეზღუდვა, რაც ამ დრომდე ჰქონდა დაწესებული, მათ შორის ელექტრონული სამაჯურიც.
ცნობისთვის, დღეს საქალაქო სასამართლოში ნიკა მელიას საქმის განხილვა გაიმართა. განხილვის დროს, მოსამართლემ მელია დარბაზიდან გააძევა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
