ყოფილი პრემიერ-მინისტრი გიორგი კვირიკაშვილი პარლამენტის დამოუკიდებელ დეპუტატ ეკა ბესელიას არაფორმალურ გარემოში, ერთ-ერთ კაფეში შეხვდა.

ინფორმაციას „მთავარი არხი“ ავრცელებს.

როგორც კვირიკაშვილმა „მთავარ არხს“ შეხვედრის დასრულების შემდეგ განუცხადა, ის პოლიტიკაში დაბრუნებას არ აპირებს, თუმცა ყოფილი პრემიერის განმარტებით,  ქვეყანაში მიმდინარე პროცესებით ძალიან უკმაყოფილოა.

„მე მგონი ქვეყანაში ძალიან ბევრი საინტერესო რამ ხდება, რაზეც შეიძლება ისაუბრო. მე და ეკა ბესელია ერთი საათი ვსაუბრობდით. დეტალებს თქვენ ვერ მოგიყვებით. პოლიტიკაში ნამდვილად არ ვბრუნდები და არცერთი პოლიტიკური პოზიციისთვის ბრძოლას არ ვაპირებ, მაგრამ ძალიან ბევრი რამით ვარ შეწუხებული იმით, რაც დღეს ხდება“, - აღნიშნა კვირიკაშვილმა

მანვე განმარტა, რომ პოლიტიკური მოსაზების დაფიქსირებას არასდროს მოერიდება.

„როგორც ამ ქვეყნის მოქალაქეს და ყოფილ პრემიერ-მინისტრს, ჩემი მოქალაქეობრივი, თუ პოლიტკური პოზიცია მექნება. რაღაც შეიძლება მომწონდეს, რაღაც შეიძლება არ მომწონდეს. მაგალითად, 20 ივნიის რაც იყო ძალიან არ მომეწონა და გავაკეთე კიდევაც ამის შესახებ განცხადება. არასოდეს ჩუმად ყოფნას არ ვაპირებ. ზოგი ამბობს, რომ დააშინეს, დააშანტაჟეს და ა.შ. მგონი დაშანტაჟებულ კაცს ნამდვილად არ ვგავარ“, - განაცხადა კვირკაშვილმა.

ფოტო © მთავარი არხი

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება

ამერიკელმა სენატორები რუსეთის წინააღმდეგ „ჯოჯოხეთურ სანქციებზე“ შეთანხმდნენ

WSJ: ტრამპი იმედგაცრუებულია პუტინით ომის სწრაფად მოგების შესახებ მისი დაპირებების შეუსრულებლობის გამო