კიდევ ერთი კარავი პარლამენტთან - დეკანოზის ძმა პროტესტს საკანონმდებლო ორგანოსთან აგრძელებს

2019-09-20 13:17:49, 1033 ნახვა

საზოგადოება

მსჯავრდებული დეკანოზ გიორგი მამალაძის ძმამ, თორნიკე მამალაძემ პარლამენტთან კარავი გაშალა.

როგორც მამალაძემ აღნიშნა, ის დეკანოზის გათავისუფლებას ითხოვს და დასძინა, რომ მისი ძმა უდანაშაულოა.

"ჩემი უდანაშაულო ძმა დღემდე იხდის სასჯელს. ის პარალიზებულ მდგომარეობაშია. ასევე სოლიდარობას ვუცხადებ 20 ივნისის აქციის საქმეზე დაკავებულ ადამიანებს, რომლებიც უდანაშაულოდ იმყოფებიან საპყრობილეში. მე ვიქნები აქ, მანამდე სანამ ჩემი ძმა არ გათავისუფლდება. მინდა უთხრა ყველას, რომ დიდი მოთმინების უნარი მაქვს და არ დავიღლები", - განაცხადა თორნიკე მამალაძემ.

მანამდე თორნიკე მამალაძეს კარავი საპატრიარქოსთან რამდენიმე თვის განმავლობაში ჰქონდა გაშლილი.

აღსანიშნავია, რომ საკანონმდებლო ორგანოსთან კარავი პანკისის ხეობაში სპეცოპერაციის დროს მოკლული თემირლან მაჩალიკაშვილის მამას, მალხაზ მაჩალიკასვილს უკვე წელიწადზე მეტია აქვს გაშლილი.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან