„7 აგვისტო სიმბოლური თარიღია, თორემ კრემლმა, პუტინმა, ომი გაცილებით ადრე დაიწყო“, - ამის შესახებ „ნაციონალური მოძრაობის“ ლიდერმა, გრიგოლ ვაშაძემ მუხათვერდის მუხათგვერდის ძმათა სასაფლაოზე განაცხადა, სადაც თანაგუნდელებთან ერთად აგვისტოს ომის გმირებს პატივი მიაგო.

ვაშაძემ რუსეთის ქმედებებს სამარცხვინო ტერორისტული აგრესია უწოდა.

 „1 აგვისტოს სრულმასშტაბიანი ომი იყო გაჩაღებული. უკვე განადგურებული იყო ქართული სოფლები ნული და ავნევი. უკვე დაძრული იყო დევნილების და იძულებით გადაადგილებული პირების ტალღა. ამ სამარცხვინო სამხედრო ტერორისტულმა აგრესიამ საქართველოს მოუტანა 500-ზე მეტი დაღუპული ჩვენი საამაყო მოქალაქე, განადგურებული ინფრასტრუქტურა და სამუდამოდ დაღუპული ურთიერთობები საქართველოსა და რუსეთს შორის. რუსეთს კი ამან მოუტანა სამუდამო სირცხვილი. ვერასოდეს ვერ ჩამოირეცხავენ ამ სირცხვილს, რაც არ უნდა ილაპარაკონ ერთმორწმუნეობასა და ერთობლივ ისტორიაზე“,- განაცხადა ვაშაძემ.

შეგახსენებთ, 2008 წლის აგვისტოს, რუსეთ-საქართველოს ომიდან 11 წელი გავიდა.

ავტორი: ექსპრესნიუსი,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა