"ვიღაც კონკრეტული ჯამბაზი სისულელეს იტყვის  და მე გამოვიდე და თავი ვიმართლო მგონი, არასერიოზულია" - ასე უპასუხა თბილისის მერმა კახა კალაძემ ოპოზიციას, რომელიც მერს ტენდერების საშუალებით კომპანიების გაკოტრებას და ჯანდაცვის მინისტრის ყოფილი მოადგილის, ირაკლი გიორგობიანისთვის ყურის მოჭრასთან კავშირს აბრალებს. 

კალაძის განცხადებით, საბავშვო ბაღების საკვებით მომარაგებას ტენდერში გამარჯვებული კომპანიები ახორციელებდნენ, ხოლო ტენდერის შესახებ ინფორმაციის მოძიება ნებისმიერ მსურველს მარტივად შეუძლია. 

„შეგიძლიათ თავად კომპანიას ჰკითხოთ ეს. ჩვენთვის მთავარია, რომ ბავშვებს პრობლემა არ ჰქონდეთ საკვების თვალსაზრისით. ჩვენთვის მთავარია ის ვალდებულება, რაც აქვს ნაკისრი კომპანიას ხელშეკრულებით შეასრულოს. ეს მხოლოდ კვებას არ ეხება. იგივეა სამშენებლო მიმართულებითაც თუნდაც. როდესაც შევუდექით ჩვენს უფლებამოსილებას, იყო სხვა კომპანია, რომელიც ვერ ასრულებდა თავის ვალდებულებას და მოგვიწია იმის გაშვება. გამოვაცხადეთ ტენდერი, იყო კონკრეტული კომპანია გამარჯვებული, ემსახურებოდა ბაღებში კვების უზრუნველყოფას, შემდეგ შეექმნათ პრობლემები, ვერ უზრუნველყოფდნენ საკვების მოტანას და მოგვიწია მათი გაშვება
ჩვენთვის მთავარი არის ბავშვებს პრობლემა არ ჰქონდეს საკვების თვალსაზრისით. მერია არ აწესებს ფასებს,  ტენდერი ცხადდება და ტენდერის საფუძველზე ხდება. ამ ქვეყანაში ხომ ვცხოვრობთ, მარტივია ამ ყველაფრის მოძიება. ვიღაც კონკრეტული ჯამბაზი სისულელეს იტყვის  და მე გამოვიდე და თავი ვიმართლო მგონი, არასერიოზულია“, - ამბობს კახა კალაძე.

ავტორი: ექსპრესნიუსი,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა