„მხედველობაში ვიღებ საფრთხეეს, რაც არსებობს მოწმეებზე ზემოქმედების, ნიკა მელიას მიერ ახალი დანაშაულის ჩადენის, მტკიცებულებათა მოპოვებისთვის ხელის შეშლის სახით“, - ამის შესახებ პროკურორმა ამირან გულუაშვილმა ჟურნალისტებს თბილისის საქალაქო სასამართლოში განუცხადა.

როგორც მან აღნიშნა, პატიმრობის მოთხოვნის ერთ-ერთი მიზეზი ისიც გახდა, რომ მელიამ სხვა სისხლის სამართლის საქმეზე შეფარდებული გირაოს გამოყენების პირობა დაარღვია.

„მხედველობაში მიიღება ის გარემობაც, რომ მან სხვა სისხლის სამართლის საქმეზე შეფართდებული გირაო, აღკვეთის ღონისძიება, რომელიც მის წინააღმდეგ არის გამოყენებული, დაარღვია. მიუხედავად კანონისმიერი ვალდებულებისა, ის გუშინ არ გამოცხადდა ბრალდების შესახებ დადგენილების გასაცნობად და ჩასაბარებლად.

რაც შეეხება მტკიცებულებებს, საქმეზე ამ ეტაპზე სამართლებრივი პროცედურა გულისხმობს სასამართლოს მხრიდან მტკიკცებულებების შეფასებას და იმის განსაზღვრას, რამდენად არსებობს დასაბუთებული ვარაუდის სტანდარტი. შესაბამისად, ყველა ეს საკითხი სხდომაზე დეტალურად იქნება განხილული.

საქმეში არ მოიპოვება მხოლოდ პოლიციელთა ჩვენებები. გუშინაც აღვნიშნეთ, საქმეზე ბუნებრივია დაიკითხებოდნენ სამართალდამცავი ორგანოების თანამშრომლები, რომლებიც უშუალოდ მონაწილეობდნენ მიმდინარე მოვლენებში. საქმეზე დაკითხულია ათობით მოწმე, არა მხოლოდ სამართალდამცავი ორგანოების წარმომადგენლები, არამედ ის პირები, ვინც მისული იყვნენ მიტინგზე და წარმოადგენდნენ რიგით მოქალაქეებს“, - განაცხადა პროკურორმა.

ცნობისთვის, თბილისის საქალაქო სასამართლო ნიკა მელიასთვის აღკვეთის ღონისძიების შეფარდებაზე მსჯელობს. მელიას პროკურატურა სსკ-ის 225-ე მუხლით გათვალისწინებული დანაშაულის ჩადენას ედავება (ჯგუფური ძალადობის ორგანიზება, ხელმძღვანელობა ან მასში მონაწილეობა). ბრალის დამტკიცების შემთხვევაში ნიკა მელიას 6-დან 9 წლამდე პატიმრობა ემუქრება.

ავტორი: ექსპრესნიუსი,

სოციალური ქსელები

ივნისში წლიური ინფლაციის დონემ 5.8% შეადგინა - საქტატი

ევროკავშირის ახალი ინიციატივები აზერბაიჯანისთვის და სომხეთისთვის, საქართველო ბორტს მიღმაა

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90