„მოხარული ვარ, რომ ძალიან პროდუქტიული შეხვედრა გვქონდა „ლუფთანზას" ვიცე-პრეზიდენტთან, განვიხილეთ სამომავლო თანამშრომლობის გეგმები და არსებული საქმიანობის გაზრდის პერსპექტივები.  დავსახეთ კონკრეტული გეგმები, რომლებიც ძალიან მალე, კარგად აისახება და მნიშვნელოვანი იქნება ჩვენი ეკონომიკისთვის, ჩვენი ტურისტული ნაკადებისთვის და იმ სტრატეგიისთვის, რაც საქართველოს მთავრობას აქვს არჩეული და მიზანმიმართულად ავითარებს მოსახლეობის კეთილდღეობის გასაუმჯობესებლად" - ამის შესახებ ეკონომიკის მინისტრის მოადგილემ, ნიკოლოზ ალავიძემ ავიაკომპანია „ლუფთანზას" ვიცე-პრეზიდენტთან, შტეფან კრუცპეინტნერთან გამართული შეხვედრის დასრულების შემდეგ განაცხადა.

 მინისტრის მოადგილის შეფასებით, ამ უდიდეს კომპანიასთან თანამშრომლობა  ჩვენი ბაზრისთვის უმნიშვნელოვანესია. „ლუფთანზა" 14 წელზე მეტია საქართველოში ოპერირებს, არის ერთ-ერთი ლიდერი, გადამყვანი საავიაციო კომპანია. ჩვენთვის სტრატეგიული და  ძალიან მნიშვნელოვანი პარტნიორია. წლების განმავლობაში ჩვენ ვაკვირდებით გაზრდილ  როგორც ტურისტულ, ასევე ბიზნესნაკადებს, რომელთა უმეტესობას სწორედ  კომპანია „ლუფთანზა" ემსახურება“, - აღნიშნა ალავიძემ.

 „ლუფთანზას" ვიცე-პრეზიდენტის განცხადებით, ძალიან კარგი შეხვედრა შედგა ეკონომიკის მინისტრის მოადგილესთან, სადაც ნათლად იყო წარმოდგენილი ბაზრის თავისებურებები და ის სეგმენტები, რომელიც კომპანიისთვის  შეიძლება საინტერესო იყოს როგორც ბიზნესის, ისე ტურიზმის განვითარებისთვის.

 „საქართველოში ჩემს ვიზიტს სამი  მიზანი აქვს: ეს არის  სტრატეგიის დასახვა, ასევე  გადაწყვეტილებების მიმღებ პირებთან შეხვედრების გზით მიღწევების უკეთ გაცნობა და მესამე - პოტენციური სავაჭრო პარტნიორების გაცნობა, რაც ასევე ძალიან მნიშვნელოვანია", - განაცხადა შტეფან კრუცპეინტნერმა.

(NS)

ავტორი: ექსპრესნიუსი,

სოციალური ქსელები

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა

უგულშემატკივრე ქართველ კალათბურთელებს მსოფლიო ჩემპიონატის შესარჩევ ეტაპზე | საქართველოს ბანკი - ეროვნული საკალათბურთო ნაკრების გენერალური სპონსორი

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ