პარლამენტის ვიცე-სპიკერი გია ვოლსკი მიხეილ სააკაშვილის ვიდეომიმართავს გამოეხმაურა, სადაც ყოფილმა პრეზიდენტმა მხარდამჭერებს „შეტევაზე გადასვლისკენ“ მოუწოდა.

როგორც ვოლსკიმ "ექსპრესნიუსს" განუცხადა, სააკაშვილის მიზანია, ქვეყანაში სამოქალაქო დაპირისპირება მოხდეს, თუმცა ამ გეგმას პერსპექტივა არ აქვს.

„თვითონ „ნაციონალური მოძრაობა“ გაემიჯნა იმ ჩანაწერში გამოთქმულ აჯანყების თუ ადუღების გეგმას. სააკაშვილი ამბობს, რომ არათუ ემიჯნება, როგორც ზოგიერთი მისი პარტიის წარმომადგენელი, არამედ პირდაპირ მხარს უჭერს იმ გეგმას, რასაც ჰქვია დაპირისპირება, დადუღება, შეტევა და ამბობს, რომ ვერ დაელოდება ვერანაირ დასკვნას საერთაშორისო დამკვირვებლებისაგან, რომლებიც ძალიან კარგად აკვირდებიან სიტუაციას და ხედავენ, რომ საზოგადოებაში დაპირისპირება არ არის, ხალხი არჩევანს აკეთებს თავისუფლად. სააკაშვილი ისევ იმ იმედზეა, რომ იცის მიუღებელი ფიგურაა ყველგან, მათ შორის საერთაშორისო დონეზე  და მისი ერთადერთი გეგმა იყო, არის და ამას პერიოდულად ადასტურებს, რომ უნდა არიოს სიტუაცია და მიიყვანოს მდგომარეობა იქამდე, როდესაც საზოგადოების ერთი ნაწილი დაუპირისპირდება მეორე ნაწილს. ეს არის გეგმა და ამ გეგმის იქით არანაირი პერსპექტივა არ გააჩნია. ვფიქრობ, რომ არც ამ გეგმას გააჩნია პერსპექტივა და ძალიან ცდება, თუ ამის იმედი აქვს“, - განაცხადა გია ვოლსკიმ.

ავტორი: ექსპრესნიუსი,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით