2019-05-16 17:47:13, 1293 ნახვა
საზოგადოება
თამარ ჟვანია მზად არის, პარლამენტში მივიდეს
ცენტრალური საარჩევნო კომისიის თავმჯდომარე თამარ ჟვანია ინტერპელაციის წესით პარლამენტში მის დაბარებასთან დაკავშირებით, „ნაციონალური მოძრაობის“ მოთხოვნას გამოეხმაურა.
როგორც ჟვანია Facebook-ის საკუთარ გვერდზე წერს, მზად არის ნებისმიერ შეკითხვას უპასუხოს.
„მინდა გამოვეხმაურო ინტერპელაციის წესით პარლამენტში დაბარების შესახებ გავრცელებულ ინფორმაციას და აღვნიშნო, რომ როგორც ყოველთვის, მზად ვარ, ნებისმიერ შეკითხვას გავცე პასუხი. უფრო მეტიც, მნიშვნელოვანია და ჩვენს ინტერესშია, საზოგადოებას მივაწოდოთ ზუსტი ინფორმაცია. ყოველთვის მივესალმები დიალოგს ნებისმიერი ფორმით!“, - წერს თამარ ჯვანია.
ავტორი: ექსპრესნიუსი,
epn.ge (@expressnews.ge)
