სამწუხაროდ, ზუგდიდში მოხდა ძალიან მძიმე, ადამიანური ტრაგედია და კარგად მესმის საზოგადობის მაღალი ინტერესი, რომ დადგინდეს თითოეული დეტალი და გარემოება ამ ტრაგედიის ირგვლივ, - ამის შესახებ საქართველოს პრემიერ-მინისტრმა, მამუკა ბახტაძემ „მოამბეში“ პირდაპირი ჩართვისას განაცხადა. 

მთავრობის მეთაურმა აღნიშნა, რომ მიმდინარეობს გამოძიება, რომელიც ყველა გაარემოების დადგენაზე მუშაობს.

„არ ვფიქრობ, რომ სწორი იქნება, ჩვენ წამზომით ვიხელმძღვანელოთ. ჩვენ უნდა ვიხელმძღვანელოთ შინაარსით და დარწმუნებული ვიყოთ მთელი ქართული საზოგადოება, რომ ამ საკითხის ირგვლივ ნებისმიერ კითხვაზე ადეკვატური პასუხი იქნება გაცემული და ჩვენ გვეცოდინება რეალური სურათი, რა მოხდა სინამდვილეში. განათლების მინისტრმაც არაერთხელ აღნიშნა, რომ მზად არის, უპასუხოს ნებისმიერ კითხვას ამ ან სხვა საკითხთან დაკავშირებით. დარწმუნებული ვარ, საგამოძიებო ორგანოოები ძალიან მაღალპროფესიულ დონეზე შეძლებენ ამ ტრაგედიის ირგვლივ ნებისნიერი გარემოების დადგენას და საზოგადოებას ეცოდინება რეალური სურათი", - განაცხადა მამუკა ბახტაძემ.

პრემიერმა ასევე უპასუხა წამყვანის კითხვას ევროპარლამენტარების ერთი ნაწილის მიმართვასთან დაკავშირებით და აღნიშნა, რომ საქართველოს ევროპარლამენტში ბევრი მეგობარი ჰყავს, რომელთა რჩევები და მოსაზრებები მთავრობისთვის საინტერესოა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკიმ თავდაცვის მინისტრი თანამდებობიდან გადააყენა - ამას პროტესტი მოჰყვა

ვოლსკი: მაკა ბოჭორიშვილის ვაშინგტონში მიწვევა სერიოზული დასტურია, რომ საქართველოსთან თანამშრომლობა საგანგებოდ მნიშვნელოვანია

ირანის შეიარაღებული ძალების გაერთიანებული სარდლობა - აშშ-ის მიერ ჰორმუზის სრუტეში ჩარევას არ დავუშვებთ

მილიარდერები რუსეთიდან თავიანთი ფულის გატანას ჩქარობენ, რადგან სამხედრო ბიუჯეტისთვის კონფისკაციის შიში აქვთ