საჯარო რეესტრის ეროვნულ სააგენტოს რეფორმებს ავღანეთის ისლამური რესპუბლიკის სამთავრობო დელეგაცია ეწვია.

დელეგაციის წევრებს საჯარო რეესტრის თავმჯდომარე ივანე ცარციძე შეხვდა. მან  სტუმრებს რეესტრის ეროვნული სააგენტოს საქმიანობა,  მათ შორის ბიზნესის რეგისტრაციის მიმართულებით განხორციელებული რეფორმები გააცნო,  რომელთა შედეგადაც საქართველო ბოლო წლების განმავლობაში "Doing Business"  მსოფლიო რეიტინგებში მოწინავე პოზიციებს ინარჩუნებს.   

საჯარო რეესტრის საერთაშორისო ორგანიზაციებთან ურთიერთობის სამსახურის უფროსმა  მარი ხარძიანმა კი სტუმრებს გამარტივებული სარეგისტრაციო პროცედურების, ელექტრონული სერვისებისა და სააგენტოს  მნიშვნელოვანი პროექტების შესახებ  წარუდგინა პრეზენტაცია.

შეხვედრაზე  საუბარი ასევე შეეხო საჯარო რეესტრის მიერ ბლოკჩეინის ტექნოლოგიის გამოყენებას.  

ავღანეთის ისლამური რესპუბლიკის სამთავრობო დელეგაცია   საქართველოში ეკონომიკური თანამშრომლობისა და განვითარების ორგანიზაციის (OECD) რეკომენდაციით და დაფინანსებით იმყოფება. დელეგაციას ავღანეთის მრეწველობისა და ვაჭრობის მინისტრის მოადგილე ზოჰორუდინ შირზადასი ხელმძღვანელობს.

(NS)

ავტორი: ,

სოციალური ქსელები

პაველ დუროვი: საქართველო მნიშვნელოვან ბიზნეს ცენტრად იქცევა

სალომე ზურაბიშვილი: ევროკავშირის 21-ე სანქციების პაკეტმა ეროვნული სირცხვილი გამოავლინა

ევროკავშირის სანქციების გამო არკადი დვორკოვიჩმა FIDE-ს პრეზიდენტის უფლებამოსილება შეიჩერა

ტრამპმა რუსეთიდან იმპორტირებულ საქონელზე 12.5%-იანი ტარიფი დააწესა