შინაგან საქმეთა სამინისტროს მართლწესრიგის ოფიცრებმა და მანდატურის სამსახურის წარმომადგენლებმა, თბილისის კლასიკურ გიმნაზიაში მოსწავლეებთან, თვითმმართველობის წევრებთან, მშობლებსა და პედაგოგებთან საინფორმაციო შეხვედრა გამართეს.

შსს-ს ინფორმაციით, შეხვედრის მიზანი იყო საგანმანათლებლო დაწესებულებების უსაფრთხოების ამაღლების საკითხებზე შეხვედრის მონაწილეთა ინფორმირება და ამ კუთხით სკოლებში მიმდინარე და დაგეგმილი რეფორმების გაცნობა. შეხვედრას ასევე ესწრებოდნენ მანდატურის სამსახურის ფსიქოლოგიური მომსახურების ცენტრის ფსიქოლოგები.

მართლწესრიგის ოფიცრებმა მოსწავლეებსა და მათ მშობლებს თავიანთი ფუნქცია-მოვალეობები და საზოგადოებაზე ორიენტირებული საპოლიციო საქმიანობის მოდელი გააცნეს. ასევე, უსაფრთხოებისა და დანაშაულის პრევენციის შესახებ მოსწავლეებისა და მშობლების მიერ დასმულ შეკითხვებსაც უპასუხეს.

შეხვედრის დასრულების შემდეგ, მართლწესრიგის ოფიცრებმა, მანდატურებსა და სკოლის მოსწავლეებთან ერთად, ჯანსაღი ცხოვრების წესის ხელშეწყობის პროექტის ფარგლებში ამხანაგურ საკალათბურთო მატჩში მიიღეს მონაწილეობა.

(NS)

ავტორი: ,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს