სკოლებსა და ბაღებში შესაძლოა, ზამთრის არდადეგები გახანგრძლივდეს

2019-01-08 12:22:17, 1237 ნახვა

საზოგადოება

ლაბორატორიულად დადასტურებული მონაცემებით, ამ დრომდე ე.წ. ღორის გრიპის ვირუსით ქვეყანაში 11 ადამიანია გარდაცვლილი.

შექმნილი მძიმე მდგომარეობის გათვალისწინებით, შესაძლოა, ზამთრის არდადეგები სკოლებსა და ბაგა-ბაღებში გახანგრძლივდეს.

როგორც ტელეკომპანია „რუსთავი 2“-ს დაავადებათა კონტროლის ცენტრის დირექტორმა ამირან გამყრელიძემ განაუცხადა, გადაწყვეტილებას ჯანდაცვისა და განათლების სამინისტროები, მიმდინარე კვირას ავადობის დინამიკაზე დაკვირვების შედეგად მიიღებენ.

„ლაბორატორიულად დღეისთვის დადასტურებულია 162 შემთხვევა. სამწუხაროდ, იქ სადაც ლაბორატორიულად დადასტურებული შემთხვევები გვაქვს, დღეისთვის 10 გარდაცვლილია. დავაკვირდებით ამ კვირაში ავადობის დინამიკას და ამის მიხედვით შემდგომ ჯანმრთელობის და განათლების სამინისტროები მიიღებენ ერთობლივ გადაწყვეტილებას“, - განაცხადა გამყრელიძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები