უსუფაშვილი: ამ კვირის განმავლობაში პარლამენტი იმ რეჟიმში იმუშავებს, რაც სტიქიის შედეგების უსწრაფესი ლიკვიდაციისთვის იქნება საჭირო

2015-06-16 12:44:39, 415 ნახვა

პოლიტიკა

პარლამენტში პრეზიდენტის 3 ბრძანებულება სამხედრო ძალების გამოყენების შესახებ და ასევე, სახმელეთო ჯარების გამოყვანის თაობაზე უკვე გადაგზავნილია.
საკანონმდებლო ორგანომ სალიკვიდაციო სამუშაოებში ჩართული სამხედრო ძალების გამოყვანაზე პრეზიდენტს თანხმობა უნდა მისცეს.
პარლამენტი ვალდებულია, ეს საკითხი 24 საათის განმავლობაში განიხილოს.
"პრეზიდენტი ვალდებულია 48 საათის განმავლობაში პარლამენტს წარუდგინოს აღნიშნული ბრძანებები დასამტკიცებლად, ხოლო პარლამენტი ვალდებულია, 24 საათის განმავლობაში განიხილოს ეს საკითხი და დაამტკიცოს აღნიშნული ბრძანება, ან არ დაამტკიცოს, თუ არ ეთანხმება ამ მოქმედების მიზანშეწონილობას.ამ კვირის განმავლობაში ჩვენც ვიმყოფებით იმ რეჟიმში, რაც საჭირო იქნება სტიქიის შედეგების უსწრაფესი ლიკვიდაციისთვის, გამოსწორებისთვიის. დღეს ასეთი ვითარებაა, როდესაც პარლამენტის ჩარევა არის აუცილებელი",-განაცხადა პარლამენტის თავმჯდომარე დავით უსუფაშვილმა.
ცნობისთვის, სქართველოს პრეზიდენტმა გიორგი მარგველაშვილმა პარლამენტის რიგგარეშე სხდომა მოიწვია. შესაბამისი განკარგულება პრეზიდენტმა ცოტა ხნის წინ გამოსცა. პარლამენტის რიგგარეშე სხდომა დღეს, 18:00 საათზე გაიმართება.