თემურ აბაზოვი პატიმრობიდან გაათავისუფლეს

2018-12-13 18:36:22, 1867 ნახვა

სამართალი

რუსთავის საქალაქო სასამართლომ მარნეულის ყოფილი მერი თემურ აბაზოვი პატიმრობიდან გირაოს სანაცვლოდ გაათავისუფლა.

მოსამართლემ დაცვის მხარის შუამდგომლობა დააკმაყოფილა და ბრალდებულს აღკვეთის ღონისძიება 10 000-ლარიანი გირაოთი შეუცვალა.

დაცვის მხარის არგუმენტი იყო, რომ რადგან გამოძიების ამ ეტაპზე ყველა მთავარი მოწმე დაკითხულია და ყველა წერილობითი მტკიცებულება წარმოდგენილია, მოწმეებზე ზემოქმედების საშიშროება აღარ არსებობს, რაც მოსამართელმ გაიზიარა.

შეგახსენებთ, პროკურატურამ 13 ივნისს დამამცირებელი და არაადამიანური მოპყრობის ფაქტზე მარნეულის მერი დააკავა, ხოლო ცემის ფაქტზე სისხლისსამართლებრივი დევნა დაიწყო საქართველოს პარლამენტის წევრის "ენმ"-დან აზერ სულეიმანოვის და კიდევ 2 პირის მიმართ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები