პროგრამის „აწარმოე საქართველოში" ფარგლებში დღემდე მხარდაჭერილი იყო  5 313  რეგიონული პროექტი, რომელთა ჯამური ინვესტიციის  მოცულობა შეადგენს 50 მლნ ლარამდე, - ამის შესახებ საქართველოს პრემიერ-მინისტრმა მამუკა ბახტაძემ დღეს, მთავრობის სხდომის დაწყების წინ გამართულ ბრიფინგზე განაცხადა.

როგორც მთავრობის მეთაურმა აღნიშნა, პროგრამის ფარგლებში  8 412-მა  ბენეფიციარმა თანადაფინანსების სახით 22 949 474 ლარი მიიღო.

„მიკრო და მცირე მეწარმეობის ხელშესაწყობად, ჩვენი მთავრობა 2015 წლიდან ახორციელებს პროგრამას „აწარმოე საქართველოში". განსაკუთრებით აქტუალურია ეს პროექტი რეგიონებში. იცით, რომ ჩვენი მთავრობის ერთ-ერთი მთავარი პრიორიტეტია ჩვენი რეგონების თანაბარი განვითარება, ინკლუზიური ეკონომიკური ზრდის მიღწევა, რომელიც თითოეულ მოქალაქეზე აისახება", - განაცხადა მამუკა ბახტაძემ.

პრემიერ-მინისტრის თქმით, მიმდინარე წელს, მიკროგრანტების მოსაპოვებლად გამოვლინდა 917 გამარჯვებული, რომლებიც წლის ბოლომდე თანადაფინანსების სახით მიიღებენ 8 300 000 ლარს.

„ჩემთვის განსაკუთრებით სასიხარულოა, რომ გამარჯვებულ აპლიკანტებს შორის 45 პროცენტი არის ქალი მეწარმე. საერთო ჯამში, წლევანდელი კონკურსის შედეგების გათვალისწინებით, დაფინანსებული პროექტების რაოდენობა შეადგენს 6230 პროექტს, თანადაფინანსების თანხა კი 47 მლნ ლარზე მეტია", - განაცხადა მამუკა ბახტაძემ.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს