განათლების, მეცნიერების, კულტურისა და სპორტის მინისტრის მოადგილე მიხეილ გიორგაძე ინგოროყვას კლინიკიდან თურქეთის ერთ-ერთ კლინიკაში გადაიყვანეს, - ამის შესახებ "ექსპრესნიუსს" კლინიკის პრესსამსახურში განუცხადეს.

მათივე ინფორმაციით, თურქეთში გადაყვანის შესახებ გადაწყვეტილება ოჯახმა მიიღო.

"მიხეილ გიორგაძის მდგომარეობა არ გართულებულა. პირიქით შეიძლება ითქვას, რომ უკეთესობისკენ მიდის. ჩვენ ყველაფერი გავაკეკეთეთ, რათა მისი მდგომარეობა დაგვესტაბილურებინა. ოჯახს თავიდანვე ჰქონდა გადაწყვეტილი მისი გადაყვანა თურქეთში. ის დღეს დილით გადაიყვანეს და რამდენადაც ჩვენთვის ცნობილია, ყველაფერმა კარგად ჩაიარა", - აცხადებენ კლინიკაში.

ცნობისთვის, 17 ნოემბრის საღამოს მიხეილ გიორგაძე ყვარელში ავარიაში მოჰყვა. საქმეზე გამოძიება სისხლის სამართლის კოდექსის 276 მუხლის პირველი ნაწილით დაიწყო, რაც გულიხმობს ავტომობილის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას იმის მიერ, ვინც ამ სატრანსპორტო საშუალებას მართავს, რამაც ჯანმრთელობის ნაკლებად მძიმე დაზიანება გამოიწვია. 

ავტორი: ,

სოციალური ქსელები

ზესტაფონში ავარიის შედეგად 6 ადამიანი დაშავდა

IPI: ვახო სანაიას პატიმრობა განსხვავებული აზრის ჩახშობის კიდევ ერთი საგანგაშო ნაბიჯია

ბათუმში სროლა იყო, დაჭრილია 1 ადამიანი

როგორ შეიქმნა სუხიშვილების ახალი ვიდეო "საქართველოს შემოქმედება, რომელიც არ ჩერდება"