ე.წ. სამხრეთ ოსეთის დე-ფაქტო მთავრობა "საზღვრის" უკანონო გადაკვეთის შემთხვევების შესახებ ინფორმაციას ავრცელებს.

დე-ფაქტო სახელმწიფო უსაფრთხოების კომიტეტის ე.წ. სასაზღვრო განყოფილების წარმომადგენლების ინფორმაციით, 2018 წლის ოქტომბერში "საზღვრის" დარღვევის 58 შემთხვევა დაფიქსირდა.

"დარღვევის თითოეულ ფაქტთან დაკავშირებით განხორციელდა სამართალწარმოება, შედეგად 44 ადამიანს დაუწესდა ჯარიმა, 4 ადამიანი სამხრეთ ოსეთის ტერიტორიიდან გავაძევეთ და ჯარიმა დავუწესეთ, 2 პირი რესპუბლიკის ტერიტორიიდან გავაძევეთ, 8 პირს გაფრთხილება მიეცა. საერთო ჯამში დამრღვევების მიერ გადახდილი ჯარიმის ოდენობა 111 ათას 500 რუბლია. საზღვარის პრობლემატურ ტერიტორიებზე დარღვევის ფაქტების თავიდან აცილების მიზნით, ზნაურის რაიონში, დაიწყო სამუშაოები. კერძოდ, 1000-მეტრიანი დამცავი ღობის აგება. ე.წ. სახელმწიფო საზღვარზე დადგენილი სამართლებრივი რეჟიმის დამრღვევთა მიმართ განხორციელებული ადმინისტრაციული ღონისძიებების ეფექტიანობის გაზრდის მიზნით, შემუშავდა და პარლამენტს გადაეგზავნა კანონპროექტი, რომელიც დეპუტატებმა 2 ნოემბერს დაამტკიცეს", - ნათქვამია ინფორმაციაში. 

ცნობისთვის, სოფელ ატოცის მიმდებარე ტერიტორიაზე უკანონო ბორდერიზაციის პროცესის განახლებას სახელმწიფო უსაფრთხოების სამსახური ადასტურებს.  აღნიშნულ ფაქტთან დაკავშირებით განცხადება საგარეო საქმეთა სამინისტრომაც გაავრცელა. საგარეო უწყება რუსეთს მოუწოდებს, საქართველოს ტერიტორიული მთლიანობის წინააღმდეგ მიმართული უკანონო ქმედებები შეწყვიტოს. 

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა