პუტინი: ვინც, ჩვენს წინააღმდეგ ბირთვულ იარაღს გამოიყენებს ჩაძაღლდება - რუსები სამოთხეში მოვხვდებით

2018-10-19 14:51:19, 3835 ნახვა

მსოფლიო

კრემლის ლიდერის ვლადიმერ პუტინის განცხადებით, ისინი ვინც რუსეთის წინააღმდეგ ბირთვულ იარაღს გამოიყენებენ "ჩაძაღლდებიან", ხოლო თავად რუსები სამოთხეში მოხვდებიან.

ინფორმაციას "ინტერფაქსი" ავრცელებს.

"აგრესორმა უნდა იცოდეს, რომ პასუხს მიიღებს და განადგურდება. თუმცა ჩვენ, ამ აგრესიის მსხვერპლნი, სამოთხეში მოვხვდებით, როგორც მოწამეები. ამასობაში, ისინი უბრალოდ ჩაძაღლდებიან, რადგან მონანიებასაც ვერ მოასწრებენ", - განაცხადა ვლადიმერ პუტინმა.

მისივე განმარტებით, რუსეთი ბირთვულ იარაღს მხოლოდ იმ შემთხვევაში გამოიყენებს, თუ ქვეყანა საფრთხის წინაშე დადგება.

"ბირთვული იარაღის გამოყენების კონცეფცია გულისხმობს საპასუხო დარტყმის განხორციელებას. ჩვენ ამ იარაღს მხოლოდ იმ შემთხვევაში გამოვიყენებთ, თუ დავრწმუნდებით, რომ პოტენციური აგრესორი ჩვენს ტერიტორიას ბომბავს", - აღნიშნა კრემლის ლიდერმა.