აბაშიშვილი: პრეზიდენტი ვეტოს ყველა იმ კანონპროექტთან მიმართებაში განიხილავს, რომელიც ქვეყანას დააზიანებს

2015-06-09 11:21:53, 506 ნახვა

პოლიტიკა

„პრეზიდენტი ვეტოს ყველა იმ კანონპროექტთან მიმართებაში განიხილავს, რომელიც ქვეყანას რაიმე ფორმით ზიანს მიაყენებს“, - ამის შესახებ პრეზიდენტის მრჩეველმა ეკონომიკურ საკითხებში გიორგი აბაშიშვილმა დღეს გამართულ პრესკონფერენციაზე განაცხადა.

მისივე თქმით, ეროვნული ბანკიდან საბანკო ზედამხედველობის სამსახურის გამოყოფის შესახებ კანონპროექტი საქართველოს ეკონომიკას დააზიანებს.

“პრეზიდენტი ვეტოს ყველა იმ კანონპროექტთან მიმართებაში განიხილავს, რომელიც ქვეყანას რაიმე ფორმით ზიანს მიაყენებს. ამ შემთხვევაში ჩვენ ვხედავთ პირდაპირ საფრთხეს ქვეყნის ეკონომიკურ პოლიტაკასთან მიმართებაში. ჩვენ არათუ ვხედავთ კანონპროექტს, რომელიც არსებითად არაფერს შეცვლის, არამედ ვხედავთ კანონპროექტს, რომელიც ქვეყნის ეკონომიკას პირდაპირ დააზიანებს“, - განაცხადა გიორგი აბაშიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან