გარდაბნის გზატკეცილზე, შენობის ჩამონგრევის შედეგად დაშავებული სამი მოზარდიდან ერთის მდგომარეობა კვლავ კრიტიკულად მძიმეა.

მას ინგოროყვას კლინიკაში ოპერაცია რამდენიმე საათის განმავლობაში უტარდებოდა და ამ დროისთვის რეანიმაციულ განყოფილებაში იმყოფება.

„პაციენტი იმყოფება ბავშვთა რეანიმაციის განყოფილებაში. მისი მდგომარეობა რჩება კრიტიკული, ეს კი განპირობებულია იმით, რომ არის თავის ტვინის ანოქსიური დაზიანება, ანუ თავის ტვინის ჟანგბადის ნაკლბობით დაზიანება. არის ტრავმული დაზიანებებიც, მენჯის ძვლის მოტეხილობებიც, რომელიც ამ წუთას აქტუალური არ არის, ქირურგიულ ჩარევას არ საჭიროებს და ამ თვალსაზრისით მდგომარეობა კონტროლირებადია“, - აღნიშნა ინგოროყვას კლინიკის ექმიმა.

რაც შეეხება კიდევ ორ მოზარდს, მათგან ერთი მართვით სუნთქვაზე იმყოფება, მეორეს კი, შედარებით მსუბუქი დაზიანებები აქვს მიღებული.

შეგახსენებთ, რომ გუშინ თბილიში, გარდაბნის გზატკეცილზე, ძველი ავტოფარეხის ჩამონგრევის დროს, სამი მოზარდი ნანგრევებში მოყვა. აღნიშნულზე შინაგან საქმეთა სამინისტრომ გამოძიება სისხლის სამართლის კოდექსის 24-ე მუხლის პირველი ნაწილით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს. 

ავტორი: ,

სოციალური ქსელები

ფიფა 2026 წლის მსოფლიო ჩემპიონატის ფინალის გადადებას ხანძრების გამო გამორიცხავს - Bloomberg

ზელენსკი სირსკის შემცვლელად მუშაობას განიხილავს - FT

უკრაინის გენერალურმა შტაბმა ნავთობის საცავის გარდა, ტანკერების და გემ „სვეტლიაკის“ დაბობვის შესახებ განაცხადა

ტაქსის ფასებით თურქეთი საქართველოს მეზობლებს შორის ლიდერობს, საქართველო კი მეორე ადგილზეა