"ქართული ოცნების" დეპუტატებმა არ იციან, დაესწრება თუ არა ბიძინა ივანიშვილი კოალიციის სხდომას

2015-06-05 16:34:53, 393 ნახვა

პოლიტიკა

კოალიცია „ქართული ოცნების“ ცენტრალურ ოფისში ფრაქციის სხდომა მიმდინარეობს.
ცნობილია, რომ დეპუტატები საარჩევნო სისტემის რეფორმირების საკითხზე მსჯელობენ.
როგორც ზაქარია ქუცნაშვილმა ჟურნალისტებს განუცხადა, ის შერეული საარჩევნო სისტემის მომხრეა.
ამასთან, ადამიანის უფლებათა დაცვის კომიტეტის თავმჯდომარის მოადგილე გედავან ფოფხაძე მიიჩნევს, რომ საარჩევნო სისტემა არ შეიძლება განხილული იყოს პოზიტიურად ან ნეგატიურად.
ვინაიდან მისივე თქმით, ყველა სისტემას თავისი დადებითი ან უარყოფითი მხარე აქვს.
ფოფხაძე ფიქრობს, რომ დიალოგის პროცესში საერთო პოზიციაზე შეჯერდებიან
„არ შეიძლება რომელიმე საარჩევნო სისტემის უსამართლოდ გამოცხადება“,-აღნიშნა ფოფხაძემ.
ფრაქცია „ქართული ოცნების“ სხდომა დაახლოებით ნახევარი საათია მიმდინარეობს.
ჯერჯერობით უცნობია ესწრება თუ არა მას ყოფილი პრემიერ-მინისტრი ბიძინა ივანიშვილი.
თუმცა როგორც უმრავლესობის წარმომადგენელმა შეხვედრაზე დავით საგანელიძემ აღნიშნა, მოხარული იქნება თუკი ივანიშვილი დღევანდელ შეხვედრაში მონაწილეობას მიიღებს.