გაერთიანებული ოპოზიცია "ძალა ერთობაშია“ არასამთავრობო ორგანიზაციების მხრიდან წინასაარჩევნო დარღვევებზე საუბრობს და შინაგან საქმეთა სამინისტროსგან გამოძიების დაწყებას ითხოვს.

როგორც საპრეზიდენტო კანდიდატ გრიგოლ ვაშაძის საარჩევნო შტაბის ხელმძღვანელმა გიორგი ვაშძემ აღნიშნა, ოპოზიციის საერთო კანდიდატის წინააღმდეგ ცრუ ინფორმაციების გავრცელების კამპანია დაიწყო, რომელიც „შავი ფულით“ ფინანსდება.

„საერთაშორისო გამჭვირვალობამ გაავრცელა წინასაარჩევნო გარემოს შეფასების დასკვნა, სადაც არის ორი ძალიან მნიშვნელოვანი საკითხი. ჩვენს მიერ გავრცელებული აუდიოჩანაწერები კრწანისის ოლქის თავმჯდომარესთან დაკავშირებით, არასამთავრობო ორგანიზაციის მხრიდანაც შეფასებულია, როგორც დანაშაულის შემცველი ნიშნების მქონე ჩანაწერი. მოვითხოვთ მოხდეს სისხლის სამართლის საქმის აღძვრა არჩევნების გაყალბების მცდელობის მუხლით.

ასევე, საგანგაშოდ არის შეფასებული „ქართული ოცნების“ შავი ფულით დაფინანსებული ის ცრუ, ყალბი ინფორმაციები, რომელიც ვრცელდება სოციალური ქსელის მეშვეობით, განსაკუთრებით ჩვენ კანდიდატ გრიგოლ ვაშაძესთან მიმართებაში.

მოვითხოვთ აუდიტის სამსახურისგან დაუყოვნებლივ დაიწყოს შესწავლა და გამოძიება ვინ აფინანსებს და რა წყაროებით ფინანსდება ამ ფეიკ ნიუსების გავრცელება სოციალური მედიით“, - განაცხადა გიორგი ვაშაძემ.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს