2018-08-23 10:28:47, 1068 ნახვა
საზოგადოება
განათლების მინისტრი IBSU-ს აბიტურიენტებს შეხვდა
საქართველოს განათლების, მეცნიერების, კულტურისა და სპორტის მინისტრი, მიხეილ ბატიაშვილი და მინისტრის მოადგილე, ალექსანდრე თევზაძე პირადად შეხვდნენ შავი ზღვის საერთაშორისო უნივერსიტეტში ჩარიცხვის მსურველ აბიტურიენტებს, რომელთაც ავტორიზაციის საბჭოს გადაწყვეტილება უშუალოდ ეხებათ.
მინისტრმა აბიტურიენტებს განუმარტა, რომ მათ აუცილებლად მიეცემათ სხვა ავტორიზებულ უმაღლეს სასწავლებელში ჩარიცხვის შესაძლებლობა მათი ინტერესების გათვალისწინებით და შესაბამისი პროცედურები გააცნო.
მიხეილ ბატიაშვილმა ხაზგასმით აღნიშნა, რომ სამინისტროს მთავარ ამოცანას ყველა სტუდენტისა და აბიტურიენტის საგანმანათლებლო ინტერესის დაცვა და მათთვის ხარისხიანი განათლების მიღების ხელშემწყობი პირობების შექმნა წარმოადგენს.
![]()
ავტორი: ,
epn.ge (@expressnews.ge)
