ისრაელის ავიაციამ სირიაში ირანის ათობით ობიექტზე იერიში მიიტანა

2018-05-10 11:56:02, 2600 ნახვა

მსოფლიო

სარაკეტო დარტყმებზე საპასუხოდ, ისრაელის ავიაციამ სირიაში ირანის ათობით ობიექტზე იერიში მიიტანა, - ამის შესახებ "რია ნოვოსტი" იუწყება.

მედია საშუალების ინფორმაციით, ისრაელის ავიაციამ აღნიშნული იერიში ლიბანის საჰაერო სივრციდან განახორციელა.

ოფიციალურ დამასკოში განაცხადეს, რომ ისრაელის რაკეტების უმეტესობამ მიზანს ვერ მიაღწია და მათი ჩამოგდება მოხერხდა.

მედიის ცნობით, ისრაელს იერიშის მიტანა ფორმირება "ალ-კუდსზე", ასევე ირანის სამხედრო ბანაკზე, სათვალთვალო პუნქტებზე და ასევე ფორმირებების სხვადასხვა სამხედრო პოზიციებზე სურდა.

მანამდე ისრაელის პრემიერ-მინისტრმა ბენიამინ ნეტანიაჰუმ განაცხადა, რომ ოფიციალურ თეირანს სირიაში "ძალიან საშიში იარაღის განლაგება სურს, რათა ისრაელი გაანადგუროს".

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები