მორიგი ტერაქტი ავღანეთში - დაღუპულია 11 მოსწავლე

2018-04-30 13:52:48, 2152 ნახვა

მსოფლიო

ავღანეთის პროვინცია კანდაგარში თვითმკველი ტერორისტის თავდასხმის შედეგად სკოლის 11 მოსწავლე დაიღუპა, - ამის შესახებ Tolo News იუწყება.

მედია საშუალების ინფორმაციით, ტერორისტების სამიზნე რუმინელი ჯარისკაცების კონვოი იყო, რომლებიც ავღანეთში ნატო-ს მისიის ფარგლებში იმყოფებიან.

მედიის ცნობით, აფეთქების დროს 6 სამხედრო მოსამსახურე დაშავდა.

ამასთან, მომხდარზე პასუხისმგებლობა ჯერჯერობით არც ერთ ტერორისტულ დაჯგუფებას არ აუღია.

ცნობისთვის, დღეს დილით ავღანეთში ორმაგი ტერაქტი უკვე მოხდა, რის შედეგადაც სულ მცირე 29 ადამიანი დაიღუპა. მომხდარზე პასუხისმგებლობა "ისლამურმა სახელმწიფომ" აიღო.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები