პარლამენტში საქართველოს პარლამენტისა და  მთავრობის მიერ შემუშავებული დეცენტრალიზაციისა და ადგილობრივი თვითმმართველობის ახალი ეროვნული ხედვის წარდგენა მიმდინარეობს.

ახალი კონცეფციის წარდგენას საქართველოს მთავრობის,  პარლამენტის, სამოქალაქო საზოგადოების, დიპლომატიური კორპუსისა და  საერთაშორისო ორგანიზაციების  წარმომადგენლები ესწრებიან.

დეცენტრალიზაციისა და ადგილობრივი თვითმმართველობის ახალ ხედვაზე პარლამენტის თავმჯდომარე ირაკლი კობახიძემ  და პრემიერმა ისაუბრეს.

როგორც აღინიშნა, ახალი კონცეფცია მეტ შესაძლებლობებს  ანიჭებს ადგილობრივ  ხელისუფლებას, როგორც გადაწყვეტილების მიღების, ასევე ფინანსური რესურსების განკარგვის საკითხებში.

პარლამენტის თავმჯდომარემ  განსაკუთრებული ყურადღება დაუთმო  საკანონმდებლო ცვლილებებს, რომლებიც ახალი ხედვის შესაბამისად განხორციელდება.

კობახიძის თქმით, ფისკალური  დეცენტრალიზაციის შედეგად  საგრძნობლად გაიზრდება თვითმმართველობის ბიუჯეტი, რაც შესაძლებლობას მისცემს მას, ეფექტურად განახორციელოს თავისი უფლებამოსილება, აამაღლოს  ადგილობრივ საჯარო მოხელეთა პროფესიული დონე, უკეთესი მომსახურება მიაწოდოს მოსახლეობას.

დეცენტრალიზაციის და  ადგილობრივი თვითმმართველობის ახალი  ეროვნული ხედვა რეგიონული და ადგილობრივი განვითარების მიმდინარე რეფორმის ნაწილია, რომელსაც აქტიურად უჭერენ მხარს საქართველოს საერთაშორისო პარტნიორები, მათ შორის გაეროს განვითარების პროგრამა და შეიცარიისა და ავსტრიის მთავრობები.

„ძლიერ და ეფექტურ თვითმმართელობას უნდა შეეძლოს გადაწყვეტილებისდა და სერვისების დაახლოება მოქალაქეებთან, მორგება მათ მოთხოვნებზე და ადამიანთა უშუაქლო ჩართვა გადაწყვეტილების მიღებისა და  მმართველობის პროცესში. ახალი ხედვის შემუშავებით საქართველო სწორედ ამ სტანდარტს უახლოვდება“,-ამბობს გაეროს განვითარების პროგრამის ხელმძღვანელი საქართველოში ნილ სკოტი.

დეცენტრალიზაციის ადა  ადგილობრივი თვითმართველობის ახალ ეროვნული ხედვის წარდგენას მოჰყვება  სტრატეგიისა და სამოქმედო გეგმის შემუშავება, რომელსაც საქართველოს პარლამენტი 2018 წელს დაამტკიცებს.

ავტორი: ,

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა