ნორლანდი: არავინ არ უნდა იყოს ძალადობის მსხვერპლი, მიუხედავად სექსუალური ორიენტაციისა თუ გენდერული იდენტობისა

2015-05-16 10:46:16, 412 ნახვა

საზოგადოება

„არავინ არ უნდა იყოს ძალადობის მსხვერპლი, მიუხედავად მათი სექსუალური ორიენტაციისა თუ გენდერული იდენტობისა“,-ამის შესახებ აშშ-ს საგანგებო და სრულუფლებიანმა ელჩმა საქართველოში რაჩარდ ნორლანდმა ჰომოფობიასთან და ტრანსფობიასთან ბრძოლის დღესთან დაკავშირებით განაცხადა.

ნორლანდის თქმით, ის ყველა ადამიანის ღირსებას მხარს უჭერს.

"ხვალ ჰომოფობიასა და ტრანსფობიასთან ბრძოლის საერთაშორისო დღის მე-11-ე წლისთავი აღინიშნება. ამ დღეს კიდევ ერთხელ მხარს ვუჭერთ ყველა ადამიანის თანასწორობასა და ღირსებას და ვადასტურებთ, რომ ადამიანის უფლებები უნივერსალურია. ყველა ადამიანს უნდა ჰქონდეს უფლება, რომ მისი პოტენციალი სრულად იყოს რეალიზებული. არავინ უნდა იყოს ძალადობის ან დისკრიმინაციის მსხვერპლი, მიუხედავად მათი სექსუალური ორიენტაციისა თუ გენდერული იდენტობისა. ვუერთდებით ყველას, ვინც საქართველოში ამ დღის მშვიდობიანი აღნიშვნისათვის შრომობს," - განაცხადა რიჩარდ ნორლანდმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან