ისრაელის პოლიციის განცხადებით, საკმარისი მტკიცებულება არსებობს იმისთვის, რომ პრემიერ-მინისტრ ბენიამინ ნეთანიაჰუს ბრალი წარედგინოს.

ნეთანიაჰუს  კორუფციაში, თაღლითობასა და უფლებამოსილების ბოროტად გამოყენებაში ედება ბრალი.

BBC-ის ცნობით, მასალები, რეკომენდაციებთან ერთად  პროკურატურას უკვე გადასცეს. 

ერთ-ერთი საქმე, სახელწოდებით “საქმე 1000“, ძვირფას საჩუქრებს შეეხება, რომლებსაც ნეთანიაჰუ საქმიანი წრეებისგან იღებდა. სისხლის სამართლის მეორე საქმეში - “საქმე 2000“ - საუბარია პრემიერმინისტრის მოლაპარაკებაზე ყველაზე გავლენიანი გამოცემის მესაკუთრესთან, რომ მთავრობის მოქმედებები დადებითი კუთხით გაეშუქებინათ. პოლიციის ვერსიით, პრემიერი მას სანაცვლოდ ისეთი კანონის მიღებას დაჰპირდა, რომელიც გამოცემის კონკურენტს შეზღუდავდა.

წარდგება თუ არა ისრაელის პრემიერმინისტრი სასამართლოს წინაშე, ამას პროკურატურა გადაწყვეტს.

მანამდე ნეთანიაჰუმ მოსახლეობას ტელეეკრანიდან მიმართა და განუცხადა, რომ მის წინააღმდეგ წამოწყებული საქმეები მალე ჩამოიშლება, რადგან პოლიციის რეკომენდაციას იურიდიული ძალა არ აქვს.

ნეთანიაჰუს განცხადებით, ის 2019 წელს დაგეგმილ არჩევნებშიც აპირებს მონაწილეობას.

ავტორი: ,

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი