აფგან მუხთარლი ციხეში დროზე ადრე დააბრუნეს

2018-02-10 13:32:09, 2491 ნახვა

მსოფლიო

თბილისიდან გაუჩინარებული აზერბაიჯანელი ჟურნალისტის მეუღლე ლეილა მუსტაფაევა აცხადებს, რომ აფგან მუხთარლი ციხეში მოულოდნელად, დროზე ადრე დააბრუნეს.

როგორც მუსტაფაევა Facebook-ის საკუთარ გვერდზე წერს, აღნიშნულის მიზეზი აზერბაიჯანული და ქართული მედიისთვის მიცემული ინტერვიუები გახდა.

"მუხთარლი დროზე ადრე, მოულოდნელად დააბრუნეს ციხეში, იმის გამო, რომ ქართულ და აზერბაიჯანულ მედიას ინტერვიუები მისცა. ტელეკოპანია "რუსთავი 2"-თან ინტერვიუს დროს მუხთარლიმ ყველაფერი თქვა: ილჰამ ალიევის და ბიძინა ივანიშვილის ბიზნეს ინტერესებზეც ისაუბრა, ასევე საქართველოს შინაგან საქმეთა მინინისტრის და პრემიერ-მინისტრის გიორგი კვირიკაშვილის ბრალეულობასაც გაუსვა ხაზი. ორივე ქცეყნის ხელისუფლება დამნაშავეა მუხთარლის გატაცებასა და დაპატიმრებაში. როდემდე აპირებს აზერბაიჯანის და საქართველოს ხელისუფლება სილაში თავის ჩარგვას?", - წელს ლეილა მუსტაფაევა.