საგარეო საქმეთა მინისტრის მოადგილე ვახტანგ მახარობლიშვილი, გერმანიის ერთ-ერთი მიწის, ჩრდილოეთ რაინ-ვესტფალიის მიერ საქართველოს მოქალაქეებისთვის უვიზო რეჟიმის გაუქმების მოთხოვნას გამოეხმაურა.

მახარობლიშვილი მოქალაქეებს მოუწოდებს, ვიზალიბერალიზაციის  მხოლოდ დაშვებული პირობებით ისარგებლონ, რაც შენგენის ქვეყნებში მხოლოდ ტურისტული და მოკლე ვადიანი ვიზიტით გამგზავრებას გულისხმობს.

„ჩვენ გულისყურით ვეკიდებით ჩვენი პარტნიორების წუხილს. ჩვენ გვაქვს გერმანიასთან ძალიან მჭიდრო თანამშრომლობა ორგანიზებულ დანაშაულთან ბრძოლის სფეროში. გასულ წელს შესაბამისი შეთანხმებაც გაფორმდა. ჩვენ ასევე ვთანამშრომლობთ გერმანიის არამარტო ცენტრალურ ხელისუფლებასთან, არამედ გერმანიის ფედერაციული რესპუბლიკის ცალკეულ მიწებთან. გასულ წელს რანდენიმე მხარეში გაიმართა საქართველოს შს მინისტრის ვიზიტი და მათ შორის ოთხ მიწასთან გაფორმდა თანამშრომლობის შეთანხმება.  ჩვენ გავაგრძელებთ ამ მიმართულებით თანამშრომლობას და  ასევე, აქტიურად ვიმუშავებთ რეინ-ვესტფალიის მთავრობასთან. საქართველოსთვის მნიშვნელოვანია რომ ჩვენს პარტნიორებთან ერთად ყველა ნაბიჯი იდგმებოდეს საერთო ინტერესებიდან გამომდინარე.  მნიშვნელოვანია, რომ თითოეულმა საქართველოს მოქალაქემ გააცნობიეროს პასუხისმგებლობა და გაუფრთხილდნენ ამ მონაპოვარს, რომელიც საერთო ძალისხმევის შედეგია.

ასევე გასათვალისწინებელია, რომ საქართველო არის უსაფრთხო ქვეყანა და თავშესაფრის არალეგიტიმური მოთხოვნა არ დაკმაყოფილდება ევროკავშირის წევრი ქვეყნების მხრიდან. ხშირად, მოქალაქეები შეცდომაში არიან შეყვანილი, ცრუ დაპირებებით კერძო პირების მხრიდან, რის შედეგადაც ქვეყნისთვის ზიანის გარდა, პირად ფინანსური ზარალსაც იღებენ.

ამიტომ მოვუწოდებთ ყველა ჩვენს მოქალაქეს, რომ ვიზალიბერალიზაციის მხოლოდ დაშვებული პირობებით ისარგებლონ, რაც გულისხმობს მხოლოდ ტურისტული და მოკლე ვადიანი, 90 დღიანი ვიზიტით, შენგენის ქვეყნებში გამგზავრებას“, - განაცხადა ვახტანგ მახარობლიშვილმა.

შეგახსენებთ, გერმანიაში, ჩრდილოეთ რეინ-ვესტფალიის მთავრობამ საქართველოსთვის უვიზო რეჟიმის გაუქმება მოითხოვა.

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება