დონალდ ტრამპი ნობელის პრემიაზეა წარდგენილი

2018-02-02 13:00:55, 2675 ნახვა

მსოფლიო

ნობელის პრემიაზე ნომინანტების წარდგენის პირველი ეტაპი დასრულდა.

მშვიდობის კვლევის ნორვეგიის ინსტიტუტის დირექტორის ჰენრიკ ურდალის განცხადებით, აშშ-ს პრეზიდენტი დონალდ ტრამპი წლის განმავლობაში ზედიზედ მესამედ ნობელის პრემიის ერთ-ერთი პრეტენდენტია.

Deutsche Welle-ის ინფორმაციით, ავტორმა, რომელმაც ანონიმურობა ამჯობინა, ტრამპის დაჯილდოება „მშვიდობის დასამყარებლად ენერგიული მეთოდებით ბრძოლისთვის“ მოითხოვა.

თებერვლის ბოლომდე პრეტენდენტების დასახელება გრძელდება, თუმცა ამჯერად ამას კომიტეტის ხუთი წევრი გააკეთებს. მათ გარდა კანდიდატების დასახელების უფლება აქვთ პარლამენტარებს, მინისტრებს, საერთაშორისო სასამართლოების წევრებს, უნივერსიტეტების პროფესორებს საზოგადოებრივი მეცნიერების, ისტორიის, ფილოსოფიის, სამართლის და თეოლოგიის მიმართულებით, ნობელის პრემიის ლაურეატებს, უკვე დაჯილდოებულ ორგანიზაციებს, ასევე ნორვეგიის ნობელის კომიტეტის ყოფილ და მოქმედ წევრებს.

პრემიის ფულადი ოდენობა წელს 9 მილიონი შვედური კრონია (დაახლოებით 940 ათასი ევრო). გამარჯვებულთა ვინაობა 2018 წლის ოქტომბერში გახდება ცნობილი.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები