საქართველოს პრეზიდენტმა გიორგი მარგველაშვილმა ქართველ ჟურნალისტებთან  ბრიუსელში ვიზიტი შეაფასა.
როგორც მარგველაშვილმა აღნიშნა, ნატო-ს მიმართულებით საქართველოს  პაკეტის იმპლემენტაციას განსაკუთრებული ყურადღება მიექცევა. ამასთან, მარგველაშვილის თქმით,  საქართველო რიგის სამიტისთვის აქტიურად ემზადება.
"ჩვენი ვიზიტის მიზანი იყო ერთმნიშვნელოვნად და მტკიცედ კიდევ ერთხელ დაგვეფიქსირებინა ჩვენი ქვეყნის სტრატეგიული არჩევანი, ევროკავშირსა და ნატო-ში ჩვენი გაწევრიანების თაობაზე. ის განხორციელდა მტკიცედ და ეს გაგებულ იქნა ჩვენი პარტნიორების მიერ. ნატოს მიმართულებით, ჩვენი პაკეტის იმპლემენტაციას განსაკუთრებული ყურადღება მიექცევა. ჩვენ აქტიურად ვემზადებით რიგის სამიტისთვის. საქართველოს მთავრობა და პარლამენტი აქტიურად ახორციელებს ვიზალიბერალიზაციის თვალსაზრისით განსახორციელებლი რეფორმების დღის წესრიგს",-განაცხადა გიორგი მარგველაშვილმა.
საქართველოს პრეზიდენტის ბრიუსელში ვიზიტი კვლავ გრძელდება. დღეს გიორგი მარგველაშვილს რამდენიმე მნიშვნელოვანი შეხვედრა აქვს დაგეგმილი. ამწუთებში კი, ის ენერგეტიკის საკითხებში ევროკომისარს ხვდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურამ რკინიგზის საქმის რვავე დაკავებულს ბრალი წარუდგინა, ორზე ძებნა გამოცხადდა

კალაძე ტაქსისტებს - მეგობრებო, აუცილებლად გადაიხადეთ დავალიანება, წინააღმდეგ შემთხვევაში, ჩვენ მოგვიწევს ნებართვების გაუქმება

ციხეში მყოფი ელენე ხოშტარიას ჯანმრთელობის მდგომარეობა დამძიმდა - ადვოკატი

სუს-ში რკინიგზის საქმეზე დაკავებულების ადვოკატები მივიდნენ, მათ ბრალი წარედგინათ