ავსტრიის რესპუბლიკაში საქართველოს საგანგებო და სრულუფლებიანი ელჩი კონსტანტინე ზალდასტანიშვილი გარდაიცვალა.

ინფორმაციას საგარეო საქმეთა სამინისტრო ავრცელებს.

„საქართველოს საგარეო საქმეთა სამინისტრო ღრმა მწუხარებით იუწყება, რომ გარდაიცვალა საქართველოს ელჩი ავსტრიის რესეპუბლიკაში და საქართველოს მუდმივი წარმომადგენელი ევროპის უსაფრთხოებისა და თანამშრომლობის ორგანიზაციასა და ვენაში განლაგებულ საერთაშორისო ორგანიზაციებში  კონსტანტინე ზალდასტანიშვილი. 
ვუთანაგრძნობთ ბატონი კოტეს ოჯახს, მის მეგობრებს, კოლეგებს და მთლიანად საქართველოს სახელმწიფო აპარატს ამ დიდ დანაკარგს. 
ფასდაუდებელია ბატონი კოტეს უდიდესი ღვაწლი არა მხოლოდ ქართულ დიპლომატიაში, არამედ დამოუკიდებელი საქართველოს განვითარებასა და წინსვლაში. მის სახელს უკავშირდება ჩვენი ქვეყნის მრავალი წარმატება საგარეო პოლიტიკურ ასპარეზზე. მისი გამოცდილება და სიბრძნე კიდევ დიდხანს გაჰყვება თანამედროვე და მომავალ თაობებს, სახელმწიფო სამსახურში მყოფ მის კოლეგებს, როგორც ქვეყნისათვის თავდაუზოგავი მოღვაწის სანიმუშო მაგალითი. 
დიდ მადლობას ვუხდით  კოტეს მისი უდიდესი ღვაწლისთვის, მეგობრობისა და გვერდში დგომისთვის“,-ნათქვამია უწყების მიერ გავრცელებულ განცხადებაში. 

ავტორი: ,

სოციალური ქსელები

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები