პალესტინელებმა, ტრამპის გადაწყვეტილების გამო, პროტესტის ნიშნად საშობაო ნაძვის ხეები ჩააქრეს (ვიდეო)

2017-12-07 16:52:50, 2225 ნახვა

მსოფლიო

პალესტინელებმა, ამერიკის შეერთებული შტატების პრეზიდენტის დონალდ ტრამპის გადაწყვეტილების გამო, პროტესტის ნიშნად საშობაო ნაძვის ხეები ჩააქრეს, - ამის შესახებ jewishpress იუწყება.

მედია საშუალების ინფორმაციით, საუბარია, ბეთლემის შობის სახელობის ეკლესიის წინ მორთულ ნაძვის ხესა და პალესტინის ყოფილი პრეზიდენტის, იასირ არაფატის საფლავთან მდებარე საშობაო ხეზე.

შეგახსენებთ, რომ გუშინ ამერიკის პრეზიდენტმა დონალდ ტრამპმა იერუსალიმი ისრაელის დედაქალაქად აღიარა. აღნიშნულ ფაქტს მსოფლიოს მასშტაბით დიდი გამოხმაურება მოჰყვა. მსოფლიო ლიდერების ნაწილმა ტრამპი გადაწყვეტილების გამო გააკრიტიკა. მაგალითად, თურქეთის პრეზიდენტის რეჯეპ ტაიფ ერდოღანის შეფასებით, დონალდ ტრამპის გადაწყვეტილება ანთებული ასანთის ტოლფასია. ამასთან, პალესტინური ტერორისტული ორგანიზაცია „ჰამასის“ ლიდერმა ისმაილ ხანიამ პალესტინელებს ახალი ამბოხისკენ (ინტიფადა) მოუწოდა.