ლუცენკო: სააკაშვილის სტატუსი „პატიმრობიდან გაქცეულია“, პროკურორებს გაცილებით მკაცრი სასჯელის მოთხოვნა შეუძლიათ

2017-12-05 20:40:13, 2249 ნახვა

მსოფლიო

უკრაინის გენერალური პროკურორის იური ლუცენკოს განცხადებით, ამ დროისთვის საქართველოს მესამე პრეზიდენტის, მიხეილ სააკაშვილის სტატუსი „პატიმრობიდან გაქცეულია“, - ამის შესახებ ლუცენკომ უმაღლეს რადაში სიტყვით გამოსვლისას განაცხადა.

ლუცენკოს განმარტებით, პროკურორებს სააკაშვილისთვის გაცილებით მკაცრი სასჯელის მოთხოვნა შეუძლიათ, ვიდრე მანამდე ითხოვდნენ.

„მიხეილ სააკაშვილის სტატუსია - ადამიანი, რომელიც პატიმრობიდან გაიქცა. ეს ეჭვქვეშ აყენებს ჰუმანური პროკურატურის შესაძლებლობას, ხვალ ან მომდევნო დღეებში შინაპატიმრობა შესთავაზონ. ამაზე ძალიან ბევრს ვიფიქრებთ, მაგრამ ვიფიქრებთ, პირველ რიგში, უკრაინის სახელმწიფოზე“, - განაცხადა იური ლუცენკომ.

ლუცენკოს ინფორმაციით, გენერალურმა პროკურატურამ სისხლის სამართლის საქმე აღძრა და იმ დეპუტატებს დაკითხავს, რომლებიც სააკაშვილს თავის დაღწევაში ეხმარებოდნენ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები