​ესპანეთის შინაგან საქმეთა სამინისტრო განმარტავს, თუ რა პირობებში მოუწევს პატიმრობაში ყოფნა კატალონიის ყოფილ მეთაურს კარლეს პუჩდემონს მადრიდში მისი ექსტრადიციის შემთხვევაში, - ამის შესახებ Vanguardia იუწყება.

მედია საშუალების ინფორმაციით, დღეს ბრიუსელის სასამართლო ესპანეთისთვის პუჩდემონისა და კატალონიის გენერალიტეტის სხვა ყოფილი წევრების გადაცემის საკითხზე იმსჯელებს.

მედიის ცნობით, ესპანური პენიტენციური სისტემის მოწყობის შესახებ კითხვის საპასუხოდ ესპანეთის შს უწყებამ ბელგიას 15-გვერდიანი დოკუმენტი გაუგზავნა.

როგორვ უწყებაში აღნიშნავენ, ექსტრადიციის შემთხვევაში, პუჩდემონს „ესტრემერას“ ციხეში მოათავსებენ, სადაც ამჟამად კატალონიის გენერალიტეტის სხვა ყოფილი წევრები იმყოფებიან. გარდა ამისა, რეგიონის ყოფილ ხელმძღვანელს მუდმივად დააკვირდებიან, იმისათვის, რომ სხვა პატიმრების მიერ მასზე შესაძლო თავდასხმა არ მოხდეს. ამასთან, პუჩდემონს ექნება შესაძლებლო აირჩის თუ სად გაატაროს პატიმრობა, ერთკაციან საკანში თუ სხვა თანაგუნდელებთან ერთად.

15-გვერდიან დოკუმნტში ასევე აღნიშნულია, რომ ესპანეთის კანონმდებლობა პატიმრების წამებასა და მათთან ცუდ მოქცევას კრძალავს, მათ შორის ქვეყნის ომბუდსმენი პატიმრობის მდგომარეობას რეგულარულად ეცნობა.

შეგახსენებთ, რომ ესპანეთის სასამართლომ კარლეს პუჩდემონის დაკავების ორდერი 2 ნოემბერს გასცა. ორდერი ასევე მთავრობის 4 ყოფილ წევრზე გაიცა.პუჩდემონი ბელგიაში იმყოფება და დღეს ბრიუსელში მისი ექსტრადირების საკითხს განიხილავენ. 

ავტორი: ,

სოციალური ქსელები

საფრანგეთში პოლიციის ჩხრეკის დროს პიკასოს მოპარული ნახატი აღმოაჩინეს

ანკარამ ნატოს სამიტის გამო საპროტესტო აქციებსა და დრონების ფრენებზე 13-დღიანი აკრძალვა დააწესა

თბილისის მეტროს პირველ ხაზზე მატარებლების მოძრაობა სრულად განახლდა

სააკაშვილი - თემაში ჩვენი არა კეთილისმოსურნეებიც შემოვარდნენ და დაწერეს მიშა და ბიძინა ერთია, რასაც იტყვიან პარტია ემორჩილებაო