„ერთიანი საქართველოსთვის“ თიანეთის მერობის კანდიდატი, თამაზ მეჭიაური ზაქარია ქუცნაშვილის ბრალდებებს ეხმაურება.

„არჩევანთან“ საუბარში თამაზ მეჭიაური სიცრუეს უწოდებს ზაქარია ქუცნაშვილის განცხადებას, რომლის თანახმადაც  „ქართულ ოცნებაში“  მეჭიაური მან  მიიყვანა. მეჭიაურმა ყოფილი თანაგუნდელი მწვავედაც გააკრიტიკა:

„პატრიარქი არ მიხსენებია, რას დაჭორაობს ეგ, მე ვთქვი, რომ ბიძინა ივანიშვილმა მთხოვა, ცოტა კატეგორიულად და მასთან ურთიერთობის გაფუჭებას ვამჯობინე ასეთი ნაძირალა  გამხდარიყო დეპუტატი. რაც შეეხება ჩემს წარსულს, ოროთახიანი ხრუშჩოვკიდან წამოვიყვანე, მაგან კიარ მიმიყვანა, მე მივიყვანე  პარლამენტში. 1995 წელს, როდესაც მე პირველად გავხდი პარლამენტარი, ეგ მყავდა ქაღალდების დამტარებლად საოლქო კომისიაში და ისიც ბოლომდე ვერ მიიყვანა. მაჟორიტარ ფრაქციაში იმიტომ შევედი, რომ იმ 4 კაციდან აპარატს რომ ეკუთნოდა, ერთი მაგისთვის, იურისტის ადგილი გამეკეთებინა. გავუკეთე, დამითმეს ეგ და იმის შემდეგ ერთ წელში უკვე გამყიდა. ვახტანგ რჩეულიშვილს რომ დავუპირისპირდი, ზუსტად იქ გამყიდა მაგან და დაარქვეს “პავკა მაროზოვი“ მაგის გამო. ორჯერ ვიყავი დეპუტატი და მესამე დეპუტატობაზე ჩემი მოწინააღმდეგის შტაბის უფროსად მომევლინა იმის სანაცვლოდ, რომ  სიაში ჩაწერეს.

ვის ჭირს მაგის მოსაყვანი. სად მნახა ჯერ ერთი მთვრალი მაგ ნაძირალამ. მე ქეიფიც ვიცი, კაპოტზეც მიქეიფია, მაგრამ   მთვრალი კაციშვილს არ ვუნახივარ. მთიელობას რო  იბრალებს ეგ კურდღელი, რისი მთიელია ეგ. იმდენ კაცს დააბრალა რაღაც, ახლა ღამეც ვეღარ შემოიპარება. ამის შემდეგ თიანეთში საერთოდ ვეღარ შემოვა. ეს კაცუნა დადის და სხვებზე ლაპარაკობს. ერთხელ დავიჭერ და ავანგრევ მაგ ცხვირ პირს მაგას“,-განაცხადა თამაზ მეჭიაურმა.

მან ზაქარია ქუცნაშვილის ქონებაზეც ისაუბრა:

„პირველი დეკლარაცია რომ შეავსო , პირველი რაც ჩაწერა, ცოლის მზითევი იყო - "ჟილაია" და "სპალნა", თან დიდი თანხები მიუწერა, რომ ძალიან ძვირი იყო. მეტი არაფერი  ჰქონდა ჩასაწერი, ოროთახიანი "ხრუშჩოვკიდან" მივიყვანე პარლამენტში, ახლა გადახედეთ მაგის დეკლარაციას, ტომებია უკვე“, - აღნიშნა თამაზ მეჭიაურმა.

ავტორი: ,

სოციალური ქსელები

ცაჰალის ცნობით, მოკლეს ჰამასის მეთაური აბუ მუსტაფა, რომელიც 7 ოქტომბრის თავდასხმასთან იყო დაკავშირებული

ვაშინგტონმა და თეირანმა გადაწყვიტეს ჰორმუზის სრუტის გავლით უსაფრთხო გადაადგილების მექანიზმის შემუშავება

ყატარში, მსოფლიოში უდიდეს თხევადი ბუნებრივი აირის წარმოების ცენტრში აფეთქება მოხდა, 54 ადამიანი დაშავდა

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი