2017-10-21 16:05:32, 1956 ნახვა
პოლიტიკა
კახა კალაძე: გამარჯვებამდე რამდენიმე საათი დარჩა
"ქართული ოცნების" თბილისის მერობის კანდიდატის კახა კალაძის განცხადებით, გამარჯვებამდე რამდენიმე საათი დარჩა.
კალაძის შეფასებით, არჩევნები მშვიდ და თავისუფალ გარემოში მიმდინარეობს. მან მხარდამჭერებს აქტიურობისკენ კიდევ ერთხელ მოუწოდა.
"მართლაც სასიამოვნო გარემოა. ამინდიც ხელს გვიწყობს, საოცარი ამინდია დღეს. არჩევნები რაც მთავარია მშვიდ და თავისუფალ გარემოში მიმდინარეობს. გამარჯვებამდე სულ რამდენიმე საათი დარჩა და კიდევ ერთხელ მინდა მივმართო, ვთხოვო ჩემს მხარდამჭერებს - გააქტიურდით, მობრძანდით, დააფიქსირეთ თქვენი საზოგადოებრივი ვალი. ჩვენ ერთად გავიმარჯვებთ და დავიწყებთ სიცოცხლით სავსე ქალაქის შენებას. გამარჯვებამდე დარჩა რამდენიმე საათი და ჩვენ აუცილებლად გავიმარჯვებთ", - განაცხადა მერობის კანდიდატმა.
![]()
ავტორი: ,
epn.ge (@expressnews.ge)
