საქართველოს პარლამენტის თავმჯდომარის ირაკლი კობახიძის განცხადებით, მმართველი გუნდის სასარგებლოდ ადმინისტრაციული რესურსის გამოყენება არ ხდება.

როგორც კობახიძემ თემის კომენტირებისას ჟურნალისტებს განუცხადა, „საქართველოში 2012 წელს დამთავრდა, დრო, როცა ადმინისტრაციული და პარტიული რესურსი შერწყმული იყო“.

„დღეს ეს ვითარება საქართველოში, მადლობა ღმერთს, აღარ გვაქვს. ეს ყველაფერი ჩავაბარეთ წარსულს 2012 წელს“, - აღნიშნა ირაკლი კობახიძემ საპარლამენტო უმრავლესობის წარმომადგენლებსა და NDI-ს დამკვირვებლებს შორის შეხვედრის დაწყებამდე.

პარლამენტის თავმჯდომარემ მცირე კომენტარი შეხვედრის შესახებაც გააკეთა:

„ეს არის მორიგი შეხვედრა დამკვირვებლებთან, როგორც მოგეხსენებათ, რეგულარულად ჩამოდიან NDI-ს დამკვირვებლები საქართველოში, გვქონდა დაახლოებით 1 თვის წინაც შეხვედრა, გავაცანით საქართველოში მიმდინარე საარჩევნო პროცესები, საარჩევნო გარემო და დღესაც ანალოგიური შეხვედრა გვექნება“,-განაცხადა პარლამენტის თავმჯდომარემ.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია